Adeiladu'r Dyfodol: Rhaglen brentisiaethau estynedig CSP yn croesawu 10 o recriwtiaid newydd

Mae'r prentisiaethau newydd yn cynnig arbenigo mewn Rheoli Adeiladu a Pheirianneg Fecanyddol a Thrydanol.

Mae hwn yn garreg filltir bwysig yn dilyn llwyddiant carfan gyntaf o bedwar prentis, pob un ohonynt bellach yn cael eu cyflogi o fewn y Cyngor.

Mae twf y rhaglen yn tynnu sylw at ymroddiad parhaus y Cyngor i helpu pobl leol i greu gyrfaoedd ystyrlon.

Bydd y recriwtiaid newydd yn ennill profiad ymarferol, yn gweithio ochr yn ochr â staff profiadol, ac yn astudio tuag at gymhwyster a gydnabyddir gan y diwydiant, gan osod sylfeini cadarn ar gyfer eu dyfodol.

Dywedodd Rhys Jones, Rheolwr Gweithrediadau Cynnal a Chadw Adeiladau fod y momentwm i ychwanegu rhagor o gyfleoedd prentisiaeth yn dilyn llwyddiant pedwar prentis Rheoli Adeiladu yn 2023, sydd wedi symud ymlaen i rolau gwerth chweil yn y maes gwasanaeth.

Ychwanegodd: "Ar ôl proses recriwtio hynod lwyddiannus, roeddem yn falch iawn o benodi 10 ymgeisydd arbennig. Maen nhw wedi croesawu'r cyfle yn llwyr ac maen nhw bellach yn integreiddio i'n diwylliant gwaith wrth ddechrau eu rhaglenni gradd-brentisiaeth.”

“Rwy'n credu'n gryf ym mhŵer cyfle. Bydd y prentisiaid hyn nid yn unig yn ennill cymwysterau gwerthfawr ond hefyd yn datblygu set eang o sgiliau ar draws y sector, gan osod y sylfaen ar gyfer gyrfa gyflawn a pharhaol yn y diwydiant.”

Dywedodd yr Aelod Cabinet dros Dai, y Cynghorydd Michelle Bateman: "Mae'r rhaglen brentisiaethau Cynnal a Chadw Adeiladau yn adlewyrchu ymrwymiad parhaus y Cyngor i ddatblygu'r gweithlu, rhagoriaeth gwasanaethau, a chreu llwybrau gyrfa ystyrlon i bobl ifanc yn Sir Benfro.”