Newid i gyfnod cau dros dro Llyfrgell Glan-yr-afon
Change to Riverside Library temporary closure period
Mae Gwasanaeth Llyfrgelloedd Sir Benfro yn rhoi gwybod i gwsmeriaid, oherwydd oedi anochel wrth ddosbarthu'r eitemau allweddol sydd eu hangen ar gyfer y gwaith gwella sydd wedi'i drefnu, bod cau Llyfrgell, Oriel a Gwybodaeth i Ymwelwyr Glan-yr-afon dros dro wedi'i symud i fis Ionawr.
O ganlyniad, bydd Llyfrgell Glan-yr-afon yn aros ar agor trwy gydol mis Rhagfyr a bydd yn cau am 1pm ddydd Mercher 24 Rhagfyr, ar gyfer gwyliau'r Nadolig.
Bydd y llyfrgell yn ailagor ddydd Gwener 2 Ionawr, a dydd Sadwrn 3 Ionawr fel arfer.
Er mwyn caniatáu i'r gwaith sy'n weddill gael ei gwblhau, bydd y llyfrgell wedyn yn cau am bythefnos o ddydd Llun 5 Ionawr, tan ddydd Sadwrn 17 Ionawr 2026.
Dyma'r opsiwn cau â’r lleiaf o aflonyddu sydd ar gael, i alluogi'r gwaith i gael ei wneud, ac mae'n osgoi'r hyn a fyddai fel arall wedi bod yn nifer o gyfnodau cau ac ailagor byr ym mis Rhagfyr a mis Ionawr.
Yn ystod y cyfnod cau, bydd yr holl lyfrau llyfrgell sydd ar fenthyg o Lyfrgell Hwlffordd yn cael eu hymestyn yn awtomatig tan ddiwedd mis Ionawr i atal cwsmeriaid rhag wynebu dirwyon hwyr.
Bydd y Siop Goffi yn cau ar gyfer y Nadolig a'r Flwyddyn Newydd. Fodd bynnag, bydd yn parhau ar agor ym mis Ionawr ac ni fydd cau'r llyfrgell dros dro yn effeithio ar y Siop Goffi.
Mae'r prosiect hwn yn adeiladu ar fuddsoddiad blaenorol gan Lywodraeth Cymru i ddatgloi potensial llawn y Llyfrgell, gan sicrhau bod y weledigaeth wreiddiol yn cael ei gwireddu'n llawn er budd y gymuned gyfan.
Am ragor o wybodaeth am y gwaith gwella, gweler yr erthygl flaenorol: https://ystafellnewyddion.sir-benfro.gov.uk/newyddion/improvements-planned-for-glan-yr-afon-library
Diolch i holl gwsmeriaid y llyfrgell am eu hamynedd a'u dealltwriaeth ac rydym yn ymddiheuro am unrhyw anghyfleustra a achoswyd.