Newidiadau i wasanaethau bysiau yn y flwyddyn newydd

O ddydd Llun, 5 Ionawr 2026 ymlaen, bydd teithiau brig boreol newydd i'r ddau gyfeiriad yn cael eu hychwanegu at wasanaeth 349 rhwng Hwlffordd a Dinbych-y-pysgod drwy Ddoc Penfro.

Bydd hyn yn darparu cyfleoedd newydd i'r rheini sy'n teithio i weithio ac i'r ysgol i Ddinbych-y-pysgod a Doc Penfro ac yn llenwi bwlch yn yr amserlen ar gyfer Hwlffordd.

Bydd y bws ychwanegol cyntaf yn gadael Hwlffordd am 6.25am drwy Neyland (7.02am) a Doc Penfro (7.17am) ac yn cyrraedd Dinbych-y-pysgod am 8.16am. Bydd yr ail yn gadael Dinbych-y-pysgod am 7.20am drwy Ddoc Penfro (8.30am) a Neyland (8.44am) ac yn cyrraedd Hwlffordd am 9.14am 

Bydd newidiadau bach eraill i amserlen 349 yn cael eu gweithredu ar yr un pryd i wella prydlondeb.    

O ganlyniad i'r newid hwn, o ddydd Llun, 5 Ionawr, bydd taith X49 rhwng Hwlffordd a Dinbych-y-pysgod drwy Arberth yn gadael awr yn gynharach (am 6.30am).

Bydd gwelliannau i amserlen 302 hefyd yn cael eu cyflwyno o ddydd Llun, 5 Ionawr, i wella prydlondeb a dibynadwyedd y gwasanaeth hwnnw. 

Mae'r amserlenni newydd ar gael ar-lein.

Mae ymgynghoriad wedi'i lansio yn ceisio barn ar newidiadau arfaethedig i nifer o wasanaethau bysiau eraill o amgylch ardal Hwlffordd i wella dibynadwyedd a darparu cysylltiadau gwell â gwasanaethau bysiau a thrên eraill.  

Mae'r cynigion yn effeithio ar y gwasanaethau canlynol:

• 301 – Gwasanaeth tref Hwlffordd
• 307 – Hwlffordd – Cylchffordd Pontfadlen
• 308 – Llwybr cylchol Hwlffordd – Llangwm – Burton
• 311 – Hwlffordd i Aberllydan
• 313 – Hwlffordd i Gas-wis

Mae'r ymgynghoriad ar gael ar-lein Y dyddiad cau ar gyfer ymatebion yw 26 Ionawr 2026.  Byddai unrhyw newidiadau i'r gwasanaethau bysiau hyn yn cael eu cyflwyno yn nhymor y gwanwyn 2026.

Gellir gofyn am gopïau papur o'r amserlenni newydd a'r ddogfen ymgynghori drwy gysylltu â 01437 764551 neu public.transport@pembrokeshire.gov.uk.