![Cllr David Simpson, Leader of Pembrokeshire County Council](https://cdn.prgloo.com/media/94e68cf023924a9ba88c6056d3c93923.jpg?width=968&height=1452)
Arweinydd y Cyngor yn cadarnhau ei fod yn bwriadu rhoi’r gorau i’w swydd
Council Leader confirms intention to stand down
Mae Arweinydd Cyngor Sir Penfro, y Cynghorydd David Simpson, wedi cadarnhau ei fod yn bwriadu rhoi’r gorau i’w swydd fis nesaf.
Ni fydd y Cynghorydd Simpson, sydd wedi bod yn Arweinydd ers mis Mai 2017, yn sefyll i gael ei ail-ethol yn Arweinydd y Cyngor yn y Cyfarfod Cyffredinol Blynyddol ym mis Mai.
Wrth gadeirio ei gyfarfod olaf o’r Cabinet fel Arweinydd ddydd Llun, dywedodd y Cynghorydd Simpson ei fod yn edrych ymlaen at dreulio mwy o amser gyda’i deulu.
Dywedodd y Cynghorydd Simpson: “Hoffwn i ddiolch i’m cyd-Aelodau o’r Cabinet am eu hymrwymiad i’w rolau a’r gefnogaeth maen nhw wedi’i rhoi i mi yn bersonol dros y saith mlynedd diwethaf.
“Hoffwn i hefyd gofnodi fy niolch i holl staff y Cyngor am y gwaith caled maen nhw’n ei wneud ym mhob adran.
“Rwy’n gwybod pa mor ymroddedig yw’r staff yma, sy’n ymdrechu i wella bywydau pobl yma yn Sir Benfro.
“Rhaid i mi ddiolch hefyd i bobl Sir Benfro.
“Mae hi wedi bod yn fraint fawr i fod yn Arweinydd eich cyngor a rhan orau’r swydd fu cyfarfod â chynifer o bobl sy’n ymroddedig i sicrhau bod y sir hon yn lle gwell i fyw a gweithio.”
Bydd y Cynghorydd Simpson yn parhau i wasanaethu fel Cynghorydd Sir dros Lanbedr Felffre.
Bydd Arweinydd newydd Cyngor Sir Penfro yn cael ei ethol yn y Cyfarfod Cyffredinol Blynyddol ddydd Gwener 10 Mai.
Bydd y cyfarfod yn dechrau am 11am a chaiff ei weddarlledu yn ôl yr arfer.