Cyngor Sir Penfro yn cynnal adolygiad o derfynau cyflymder 20mya yn dilyn adborth cymunedol
Pembrokeshire County Council undertakes review of 20mph speed limits following community feedback
Mae Cyngor Sir Penfro yn adolygu'r gwaith o weithredu terfynau cyflymder 20mya ledled y sir ar hyn o bryd, yn dilyn adborth gwerthfawr a gasglwyd yn ystod ei ymarfer gwrando diweddar.
Daw'r adolygiad hwn yn sgil cyflwyno terfyn cyflymder diofyn o 20mya gan Lywodraeth Cymru mewn ardaloedd adeiledig - polisi sydd wedi ennyn cryn drafodaeth ledled Cymru.
Yn Sir Benfro, mae llawer o drigolion, busnesau, a chynrychiolwyr cymunedol wedi mynegi pryderon efallai na fydd dull un maint i bawb yn briodol ar gyfer rhwydwaith ffyrdd amrywiol a gwledig y sir yn bennaf.
Cafodd y gweithgaredd gwrando ei gynnal rhwng Mai a Hydref 2024.
Cadarnhaodd y Cynghorydd Rhys Sinnett, yr Aelod Cabinet dros Wasanaethau Trigolion, y bydd yr adolygiad yn cael ei gynnal fesul anheddiad yn ystod y flwyddyn ariannol gyfredol.
"Lle mae adolygiad terfyn cyflymder wedi'i gynnig, byddwn yn ymgysylltu'n uniongyrchol â thrigolion lleol cyn mynd ymlaen i ymgynghoriad ehangach ac unrhyw newidiadau ffurfiol," ychwanegodd.
Er bod barn y cyhoedd yn parhau i fod yn gymysg, mae dangosyddion cynnar yn awgrymu bod y polisi yn cael effaith gadarnhaol ar ddiogelwch ar y ffyrdd.
Mae data'r heddlu yn dangos gostyngiad o 28% mewn anafiadau ar ffyrdd 20mya a 30mya ledled Cymru ers cyflwyno'r polisi. Yn Sir Benfro, mae nifer yr anafiadau wedi gostwng o 125 i 89 dros yr un cyfnod.