Cyrsiau Cymraeg newydd yn dechrau ym mis Medi
New Welsh courses starting this September!
Dych chi’n adnabod rhywun sydd eisiau dysgu Cymraeg ? Mae Dysgu Cymraeg Sir Benfro yn cynnig cyrsiau 30 wythnos newydd i ddechreuwyr pur yn dechrau mis Medi yma am £45 yn unig.
Dau o drigolion Sir Benfro sydd wedi dysgu Cymraeg yw Sarah Lewis o Saundersfoot a Vic Dennis o Arberth, sef cyd-enillwyr gwobr Dysgwr y Flwyddyn Dysgu Cymraeg Sir Benfro eleni.
“Mae Sol yn siarad Cymraeg yn gwbl ddidrafferth. Llwyddodd yn yr arholiad Canolradd y llynedd gyda rhagoriaeth. Mae hi wedi mynychu nifer o Sadyrnau Siarad â chyrsiau Pasg a Haf dros y blynyddoedd diwethaf ” meddai Sian Griffiths, Rheolwr Dysgu Cymraeg Sir Benfro.
Mae hi hefyd wedi cymryd rhan yn y cynllun Siarad gan fwynhau ac elwa o gael sgyrsiau amrywiol gyda siaradwyr Cymraeg. Mae Sol yn aelod o Gôr Dysgu Cymraeg Sir Benfro ac wedi perfformio mewn nifer o ddigwyddiadau cyhoeddus. Mae hi’n mynychu Cylch Darllen misol ac yn mwynhau darllen yn Gymraeg.”
Mae Vic Dennis o Arberth wedi mynychu nifer o gyrsiau dros y blynyddoedd ac yn defnyddio ei Gymraeg ble bynnag mae’n cael cyfle. Mae e’n gwneud llawer o waith yn ei gymuned leol ac yn llywodraethwr ysgol. Mae e wedi bod yn gynghorydd sir ac wedi hybu’r Gymraeg drwy ei waith.
Mae Vic yn mynychu sesiynau coffi a chlonc Menter Iaith Sir Benfro yn Arberth yn aml. Ym mis Mai eleni arweiniodd daith gerdded i ddysgwyr o gwmpas Arberth.
Hoffai Vic ddiolch i’w diwtoriaid, Tomos Hopkins a Gaynor Watts-Lewis.
Ewch i: Dysgu Cymraeg Sir Benfro | Dysgu Cymraeg am ragor o wybodaeth am gyrsiau Cymraeg.
Lluniau
- Yn y llun gwelir Vic Dennis gyda Siân Griffiths, Rheolwr Dysgu Cymraeg Sir Benfro
- Sol Lewis gyda Steve Davis, Prif Swyddog Ieuenctid ac Addysg Gymunedol