Cysylltu â derbynwyr cymorth tanwydd gwresogi
Heating fuel support recipients to be contacted
Byddwn yn cysylltu â phobl sydd ar Gynllun Gostyngiadau'r Dreth Gyngor ynglŷn â'u cymhwysedd i gael cymorth gan y llywodraeth â chostau gwresogi gan olew neu nwy petrolewm hylifol (LPG).
Bydd taliad untro o £200 i aelwydydd cymwys yn cael ei roi yn dilyn cyhoeddiad gan Lywodraeth Cymru ar ôl dyraniad gwerth £3.8miliwn gan Lywodraeth y DU.
Bydd Cyngor Sir Penfro yn cysylltu’n uniongyrchol ag aelwydydd ar Gynllun Gostyngiadau'r Dreth Gyngor ac yn eu gwahodd i wneud cais.
Mae'r cynllun wedi cael ei gyflwyno wrth i'r gwrthdaro yn y Dwyrain Canol achosi i’r prisiau gynyddu.
Gall unrhyw un sy'n wynebu caledi ariannol difrifol nad yw'n gymwys ar gyfer y taliad hwn wneud cais i’r Gronfa Cymorth Dewisol.
Mae'r uchafswm dyfarniad ar gyfer olew gwresogi wedi'i gynyddu o £500 i £750 a gall pobl nawr wneud hyd at ddau gais mewn cyfnod o 12 mis.
I gael rhagor o wybodaeth a chefnogaeth, ewch i dudalennau costau byw'r Cyngor neu ffoniwch yr Hwb Cymunedol ar 01437 723660.
Mae canllawiau hefyd ar gael drwy Advicelink Cymru, a all roi cyngor clir, cyfrinachol i'r rhai sy'n delio â phryderon ariannol neu nad ydynt yn siŵr pa gymorth y maent yn gymwys i'w gael: 0800 702 2020.
Mae cynllun Cartrefi Clyd Nyth yn cynnig cyngor a gwelliannau effeithlonrwydd ynni am ddim i aelwydydd incwm isel yng Nghymru: 0808 808 2244.