![Groups of Learning Pembrokeshire students](https://cdn.prgloo.com/media/0143a4829b36406b9f6348be657e89b2.jpg?width=968&height=1452)
Dathlu Llwyddiant arholiadau gyda Sir Benfro yn Dysgu
Exam success celebrated with Learning Pembrokeshire
Dathlodd dysgwyr sy'n oedolion eu llwyddiant mewn arholiadau gyda Sir Benfro yn Dysgu yn ei seremoni wobrwyo flynyddol yn ddiweddar.
Cafodd y digwyddiad, a drefnwyd gan aelodau o dîm Dysgu Oedolion yn y Gymuned Sir Benfro ei gynnal yn garedig gan Goleg Sir Benfro, cyd-aelodau'r bartneriaeth addysg oedolion.
Roedd y dysgwyr a oedd yn bresennol wedi ennill achrediad mewn Sgiliau Digidol, Mathemateg, Saesneg a Saesneg ar gyfer Siaradwyr Ieithoedd Eraill (ESOL). Roedd y tiwtoriaid gweithgar o'r timau Sgiliau Hanfodol, ESOL a Sbardun yn hapus iawn i gael cyfle i gyflwyno tystysgrifau i'w dysgwyr llwyddiannus a dathlu eu cynnydd ar eu taith dysgu gydol oes.
Yn ogystal â staff a dysgwyr, daeth Stephen Richards-Downes, y Cyfarwyddwr Addysg ac Erica Williams o'r Bartneriaeth Ymfudo Strategol yng Nghymdeithas Llywodraeth Leol Cymru i’r digwyddiad. Meistr y Seremoni ar gyfer y bore oedd Tomos Hopkins o Cymraeg i Oedolion ac roedd eu côr Cymraeg yn ddigon caredig i ychwanegu eu llais at y digwyddiad.
Roedd yr ystod o gymwysterau a gafwyd yn cynnwys Unedau a Gwobrau Agored Cymru, Sgiliau Hanfodol Cymru Lefel 1 a Lefel 2, BCS ICDL, TGAU a Life in the UK.
Rhoddwyd sylw arbennig i gyflawniadau pobl ifanc o raglenni Gwaith yn yr Arfaeth o amgylch y sir.
Roedd croeso cynnes i'n carfan fwyaf newydd o ddysgwyr ESOL o Afghanistan, sydd newydd ddechrau ar eu taith ddysgu gyda Sir Benfro yn Dysgu.
Cafodd detholiad o waith a grëwyd gan ddysgwyr mewn dosbarthiadau eraill nad ydynt wedi'u hachredu fel Gwnïo, Gwydr Lliw a Chelf ei arddangos hefyd.
Os oes gennych ddiddordeb mewn gwybod mwy am ddosbarthiadau Sgiliau Hanfodol ac ESOL am ddim, ffoniwch y Rhadffôn 0808 100 3302.
I gael gwybod mwy am yr ystod eang o ddosbarthiadau eraill gan gynnwys dosbarthiadau TGAU, Iechyd a Llesiant, Ieithoedd a Diddordeb Cyffredinol, cysylltwch â'ch Canolfan Dysgu Cymunedol leol, ewch i dudalen Sir Benfro yn Dysgu ar wefan y Cyngor neu Facebook. Neu gallwch ffonio Gwasanaethau Canolog ar 01437 770130.
Lluniau: Cyflwyno gwobrau i ddysgwyr gan Sir Benfro yn Dysgu.
Cynhaliwyd y seremoni wobrwyo flynyddol ar gyfer dysgwyr sy’n oedolion yng Ngholeg Sir Benfro