Derbyn eitemau trydanol bach gydag ailgylchu wrth ymyl y ffordd

Nod y fenter hon yw lleihau faint o wastraff trydanol sy'n mynd i mewn i fagiau du a sicrhau ei fod yn cael ei ailgylchu'n iawn.

O hyn ymlaen, gellir rhoi eitemau cartref er enghraifft tegell, sychwr gwallt, tostiwr bach, haearn, ac unrhyw offer trydanol o faint tebyg yn rhydd ar ben eich cynwysyddion ailgylchu i'w casglu ar eich diwrnod ailgylchu arferol.

• Mae'r eitemau a dderbynnir yn cynnwys:
• Offer llaw cegin, tegelli a thostwyr (uchafswm o 4 sleisen) a pheiriannau coffi bach
• Sychwyr gwallt a sythwyr gwallt
• Offer pŵer llaw
• Radio
• Haearnau
• Gwifren ymestyn, ceblau pŵer a gwefrwyr batri

Mae'r gwasanaeth estynedig hefyd yn cynnwys e-sigaréts a fêps (gyda’r batris wedi'u tynnu allan). Dylid rhoi'r rhain mewn bag plastig clir a'u gosod ar ben eich cynwysyddion, gan ddilyn yr un broses a ddefnyddir ar gyfer batris cartref.

Yn ogystal â hyn, mae'r amrywiaeth o fatris cartref a dderbynnir i'w hailgylchu wedi'i ehangu.

Gall trigolion nawr gynnwys:

• Batris y gellir eu hailwefru o liniaduron, ffonau symudol ac offer pŵer
• Batris botwm lithiwm
• Batris arferol (AA, AAA, C, D, DD, 9v)

Sylwer: Nid yw eitemau trydanol mwy – er enghraifft set deledu, sugnydd llwch, microdon, oergell, rhewgell, ffrïwr aer, a batri car - wedi'u cynnwys yn y casgliad hwn wrth ymyl y ffordd. Gellir ailgylchu'r rhain yn eich Canolfan Gwastraff ac Ailgylchu agosaf.

Am ragor o wybodaeth, ewch i:  https://www.sir-benfro.gov.uk/canolfannau-gwastraff-ac-ailgylchu

Gyda'n gilydd, gallwn leihau gwastraff a diogelu'r amgylchedd trwy ailgylchu offer trydanol yn gyfrifol.

Dywedodd y Cynghorydd Rhys Sinnett, Aelod Cabinet dros Wasanaethau Trigolion: "Bydd ehangu ein gwasanaeth ailgylchu wrth ymyl y ffordd nid yn unig yn ein galluogi i gael gwared ar wastraff trydanol o'n bagiau duon ond hefyd i weld mwy o'r eitemau hyn nad ydynt yn cael eu defnyddio yn cael eu defnyddio mewn modd newydd.

“Bydd gennym ni i gyd eitemau trydanol nad oes modd eu trwsio a nawr gellir eu casglu gyda'r ailgylchu arferol i'w prosesu yn hytrach na’u bod yn mynd i safleoedd tirlenwi.

“Gellir ailgylchu tua 75% o'r hen eitemau trydanol a'u troi'n unrhyw beth o gemwaith, offer achub bywydau i feysydd chwarae.”

Mae ymchwil wedi dangos bod gan y rhan fwyaf ohonom offer trydanol diangen yr ydym am gael gwared arnynt. Ar gyfartaledd mae o leiaf 30 o eitemau trydanol wedi'u cuddio mewn droriau mewn cartrefi yn y DU, cyfanswm o 880 miliwn o eitemau ledled y DU - gydag atgyweiriad syml gellid rhoi neu werthu llawer ohonynt i bobl a allai eu defnyddio. 

Os ydych chi'n credu y gallech atgyweirio eich eitemau yn hytrach na’u hailgylchu, ewch i'r cyfeiriadur atgyweirio am argymhellion. https://repairefficiencywales.co.uk/cy/cyfeiriadur-atgyweirio/

I ddysgu mwy am chwilio am ailgylchu offer trydanol ewch i ailgylchu eich offer trydanol.