Digwyddiad yn dathlu llwyddiant prosiectau cyflogadwyedd Sir Benfro ac yn edrych ymlaen at y dyfodol

A'u straeon am effaith y gefnogaeth honno, a'r gwahaniaeth y mae cyflogaeth a dysgu wedi'i wneud i'w bywydau, a oedd wrth wraidd digwyddiad dathlu a gynhaliwyd yr wythnos diwethaf.

Cynhaliwyd y digwyddiad ym Maenor Scolton i nodi llwyddiant y pedwar prosiect cyflogadwyedd wrth iddynt ddirwyn i ben – ac i edrych ymlaen at y dyfodol, wrth i'r prosiectau barhau gyda chyllid newydd.

Wedi'u darparu gan Gyngor Sir Penfro a'u hariannu gan Gronfa Gymdeithasol Ewrop drwy Lywodraeth Cymru gyda chyllid cyfatebol gan Gyngor Sir Penfro, y prosiectau oedd:

• Gweithffyrdd+
• Gweithffyrdd+ Di-waith Tymor Byr
• Profiad ar gyfer diwydiant
• Trechu Tlodi mewn Gwaith Sir Benfro

Gweithiodd staff o'r pedwar prosiect ochr yn ochr â chyfranogwyr i'w helpu i oresgyn rhwystrau, gweithio tuag at eu nodau, a chodi dyheadau. Fe wnaethant hefyd eu cefnogi i aros mewn gwaith a gwella eu sefyllfa cyflogaeth.

Dywedodd Rob, un o gyfranogwyr y prosiect: "Fe wnaethon nhw roi i mi fy nghyfle i brofi i bawb a fi fy hun y gallwn i gael swydd dda. Am y tro cyntaf mae gen i arian yn y banc. Dyma'r tro cyntaf i mi deimlo bod gen i ddyfodol da. Ni allaf ddiolch digon iddyn nhw. Mae'r gefnogaeth ymarferol maen nhw wedi'i rhoi i mi wedi bod yn wych."

Dywedodd Honorah, wnaeth hefyd elwa o gefnogaeth prosiect: "Fe wnaethon nhw fy annog i wneud cais am swyddi na fyddwn i erioed wedi meddwl gwneud cais amdanyn nhw, fy annog i gredu ynof fy hun, a chyflwyno fy hun ar gyfer gwaith pan mai'r cyfan roeddwn i'n gallu ei weld oedd rhwystrau. Mae cael fy rôl bresennol yn anhygoel."

Dywedodd cyfranogwr arall: "Roedd cael fy niswyddo yn ergyd ofnadwy i mi. Gwnaeth fy hunan-barch diflannu, fel pe bai. Erbyn hyn mae gen i swydd sy'n addas i mi ac mae fy mhwrpas a fy mrwdfrydedd yn ôl. Oes, mae angen incwm ar bob un ohonom ond mae angen help ar bob un ohonom ni weithiau a ffonio Gweithffyrdd oedd un o fy mhenderfyniadau gwell. Diolch i ddwy 'ferch wych' - heb eu cefnogaeth nhw, byddwn i’n dal i chwilio am fy nghymhelliant."

Dywedodd Eleanor Brick, Rheolwr Prosiectau Cyflogadwyedd, ei bod yn wych clywed am yr hyn a gyflawnwyd.

"Mae clywed a gweld straeon y bobl sydd wedi elwa o gefnogaeth y prosiectau hyn yn dangos gwir effaith yr hyn sydd wedi'i gyflawni dros y saith mlynedd diwethaf," meddai.

"Rydym yn falch iawn bod cyllid parhad wedi'i sicrhau drwy Lywodraeth Cymru, Llywodraeth y DU a'r Adran Gwaith a Phensiynau i barhau i ddarparu a datblygu'r rhaglen gyflogadwyedd a chadw'r tîm profiadol presennol unwaith y daw'r cyllid i ben."

Roedd y digwyddiad dathlu hefyd yn arddangos sgiliau a thalentau pobl sy'n gweithio mewn mentrau cyflogaeth â chymorth, y ganolfan hyfforddi a'r gweithdy crefft. Roeddent yn cynnwys Edie’s Tea Room, Melin Bren Talog Coed, Siop yr Orsaf a Diwydiannau Norman.

Dywedodd Karen Davies, Rheolwr y Rhaglen: "Mae llawer o'r 75 o bobl ag anabledd neu gyflyrau iechyd hirdymor sydd ar hyn o bryd mewn cyflogaeth â chymorth trwy'r mentrau hyn wedi derbyn cefnogaeth gan y prosiectau cyflogadwyedd sy'n hanfodol i sicrhau bod gwaith yn llwyddiannus iddyn nhw.

"Rwy'n falch iawn ein bod wedi llwyddo i gael cyllid newydd fel y gall y gefnogaeth bwysig hon barhau ac y bydd llawer o bobl eraill yn gallu derbyn cefnogaeth yn y dyfodol."

Dywedodd y Cynghorydd Tessa Hodgson, Aelod Cabinet dros Ofal Cymdeithasol a Diogelu: "Roedd yn ysbrydoledig iawn clywed sut mae pobl wedi cael eu cefnogi ac am eu dyheadau a'u huchelgeisiau ar gyfer y dyfodol. Hoffwn ddiolch i'r holl staff sy'n rhan o'r prosiectau a dymuno'r gorau i'r holl gyfranogwyr ar gyfer y dyfodol."

Lluniau

Llun grŵp ysgubor werdd:

Yn y llun o'r chwith i'r dde mae: Rheolwyr Perfformiad ac Ansawdd, Gweithffyrdd+ Gill Nunnery a Natalie Morgan; Rheolwr Cyflogadwyedd Eleanor Brick; Rheolwr Perfformiad ac Ansawdd, Trechu tlodi yn y gwaith Mary Howes; Cyfarwyddwr Gwasanaethau Cymdeithasol a Thai Michael Gray; Pennaeth Gwasanaeth Chris Harrison; Rheolwr Rhaglen Karen Davies a'r Cynghorydd Tessa Hodgson, Aelod Cabinet dros Ofal Cymdeithasol a Diogelu.

Ysgubor werdd 1

Yn y llun mae Karen Davies yn siarad am y prosiectau yn y digwyddiad dathlu ym Maenor Scolton.

Ysgubor werdd 16

Yn y llun mae Sarah Hart (cyfranogwr Gweithffyrdd) sydd bellach yn Gynorthwyydd dan oruchwyliaeth yn stondin Siop yr Orsaf

Ysgubor werdd 19

Yn y llun mae'r Swyddog Cyswllt Cyflogwyr Sara Alderman wrth y stondin Cyflogadwyedd