Parcio am ddim yn dychwelyd ar benwythnosau ym mis Rhagfyr
Free December weekend car parking returns
Bydd modurwyr yn gallu parcio am ddim unwaith eto ym mhob un o’r meysydd parcio yn nhrefi Cyngor Sir Penfro ar ddydd Sadwrn a dydd Sul y mis Rhagfyr hwn.
Bydd modd parcio am ddim ar y dyddiadau canlynol:
- 2 a 3 Rhagfyr
- 9 a 10 Rhagfyr
- 16 ac 17 Rhagfyr
- 23 a 24 Rhagfyr
- 30 a 31 Rhagfyr
Dywedodd y Cynghorydd Rhys Sinnett, Aelod Cabinet dros Wasanaethau Preswylwyr: “Rydym ni’n falch o allu darparu parcio yn rhad ac am ddim ym meysydd parcio ein Cyngor am benwythnosau ym mis Rhagfyr eto eleni.
“Rydym ni’n gobeithio y bydd pobl yn manteisio ar hyn ac yn cefnogi ein siopau a’n busnesau lleol y Nadolig hwn.”