Cytuno ar gymorth ariannol ar gyfer Llyfrgell Neyland
Funding support agreed for Neyland Library
Mae Cyngor Sir Penfro yn falch iawn o fod wedi dod i gytundeb gyda Chyngor Tref Neyland ar gymorth ariannol i lyfrgell y dref.
Mae Cyngor Tref Neyland wedi cytuno i gytundeb cyllido pum mlynedd i gefnogi gweithrediad proffesiynol parhaus y llyfrgell, heb newid yr oriau agor.
Agorwyd Llyfrgell Neyland ym mis Mehefin 2021 ac mae ar agor gyda staff am 13 awr yr wythnos, ond gall cwsmeriaid ei defnyddio heb staff ar unrhyw bryd rhwng 6am a 10pm, saith diwrnod yr wythnos, trwy gydol y flwyddyn.
Dywedodd y Cynghorydd Rhys Sinnett, yr Aelod Cabinet dros Wasanaethau i Drigolion: "Rydym yn ddiolchgar iawn i Gyngor y Dref am y gefnogaeth, sy'n newyddion gwych i bobl Neyland a staff y llyfrgell.
“Mae'r cyllid hwn wedi dileu'r angen i Gyngor Sir Penfro ymgynghori â phobl leol ar y posibilrwydd o leihau oriau agor.
“Edrychwn ymlaen at weld pobl Neyland yn parhau i ddefnyddio a mwynhau eu cyfleusterau llyfrgell gwych dros y blynyddoedd i ddod.”
Dywedodd Maer Neyland, y Cynghorydd Peter Hay: "Penderfynodd Cyngor Tref Neyland yn unfrydol i gadw'r lefel bresennol o Wasanaethau Llyfrgell yn Neyland trwy ariannu'r Llyfrgell yn rhannol ochr yn ochr â Chyngor Sir Penfro.
“Mae’r cynghorwyr yn ystyried y Llyfrgell yn gaffaeliad i’r dref na fydden nhw'n dymuno ei golli. Mae'r Llyfrgell yn ganolfan ac yn hyb ar gyfer pobl o bob oed, sy'n cynnig llawer mwy na llyfrau yn unig.”
Mae Llyfrgell Neyland wedi'i lleoli yn Hyb Cymunedol Neyland, John Street.
Yr oriau agor gyda staff yw:
Dydd Mawrth 10am-1pm, 2pm-4pm.
Dydd Gwener 10am- 1pm, 2pm-4pm.
Dydd Sadwrn 10am-1pm.
Gweler mwy o wybodaeth am y llyfrgell yn: https://www.sir-benfro.gov.uk/llyfrgelloedd-sir-benfro/llyfrgell-neyland
Nodiadau i olygyddion
Capsiwn: Cytuno ar yr arian ar gyfer Llyfrgell Neyland yw (eistedd): y Cynghorydd Rhys Sinnett, Aelod Cabinet dros Wasanaethau Preswylwyr a Maer Neyland, y Cynghorydd Peter Hay. Sefyll o'r chwith i'r dde: Libby Matthews, Clerc Tref Neyland, Jess Worlock, Cynorthwy-ydd Llyfrgell a Gwybodaeth, y Cynghorydd Paul Miller (Aelod dros Neyland West, Cyngor Sir Penfro) y Cynghorydd Mike Harry (Cyngor Tref Neyland).