Dweud eich dweud yn ymgynghoriad ar gyllideb 26/27 y Cyngor
Have your say in 26/27 Council budget consultation
Gwahoddir y cyhoedd i gymryd rhan hanfodol ym mhroses pennu cyllideb Cyngor Sir Penfro.
Bob blwyddyn mae'r Cyngor yn cynnal ymgynghoriad i helpu i ddeall pa wasanaethau sy'n bwysig i'r cyhoedd wrth i'r Awdurdod Lleol wynebu dewisiadau anodd ar gyfer 2026-27 a thu hwnt.
Fel Cynghorau eraill yng Nghymru, mae CSP yn wynebu pwysau cyllidebol parhaus a bydd angen gwneud arbedion.
Achosir pwysau cyllidebol gan lawer o ffactorau gan gynnwys cynnydd yn nifer y bobl sydd angen cymorth y Cyngor, yn enwedig mewn ysgolion, a gofal cymdeithasol plant ac oedolion.
Amcangyfrifir bod y bwlch cyllido ar gyfer 2026-27 yn £17.7miliwn, a gallai gynyddu ymhellach.
Mae ychydig o ffyrdd y gellir ymdrin â’r bwlch cyllido:
- Cynyddu cyfradd y Dreth Gyngor (mae pob cynnydd o 1% yn cynhyrchu oddeutu £907,000 o incwm ychwanegol).
- Newid y ffordd y mae gwasanaethau yn cael eu darparu a'u cyflawni - (cynnydd mewn effeithlonrwydd, lleihau'r hyn y mae'r Cyngor yn ei wneud ac ati).
- Cynyddu'r swm a godir am rai gwasanaethau.
Gallwch roi eich barn ar opsiynau arbed cyllideb y Cyngor drwy lenwi'r ffurflen ymateb ar-lein: https://www.sir-benfro.gov.uk/dweud-eich-dweud/ymgynghoriad-gyllideb-ar-gyfer-2026-27
Mae'r ymgynghoriad ar-lein hefyd yn cynnwys offeryn modelu’r gyllideb sydd ar gael yn: https://opsiynaucyllideb.sir-benfro.gov.uk/
Dywedodd y Cynghorydd Alistair Cameron, Aelod Cabinet dros Gyllid Corfforaethol ac Effeithlonrwydd:
"Mae'n hanfodol bwysig ein bod yn cael barn cymaint o aelodau o'r cyhoedd â phosibl i helpu i lunio ein cynigion yn y dyfodol gyda'ch blaenoriaethau chi wedi’u nodi.
“Bydd pawb yn ymwybodol ei bod yn mynd yn anoddach i gydbwyso'r gofynion cynyddol ar y Cyngor ond rydym yn benderfynol o lunio cyllideb sy'n ein galluogi i barhau i ddarparu gwasanaethau hanfodol i bobl Sir Benfro.”
Os hoffech gael copi papur o'r ffurflen ymateb, ffoniwch 01437 764551 neu e-bostiwch enquiries@pembrokeshire.gov.uk
Y dyddiad cau ar gyfer ymatebion yw 4 Ionawr 2026.
Bydd rhagor o wybodaeth am y gyllideb yn cael ei chyflwyno yng nghyfarfod y Cabinet ar 1 Rhagfyr a gellir ei gweld yn https://www.sir-benfro.gov.uk/y-cyngor-a-democratiaeth
Bydd y Gyllideb yn cael ei phennu gan y Cyngor yn ei gyfarfod ddydd Gwener 20 Chwefror 2026.