Mynnwch ddweud eich dweud am ddyfodol gwasanaethau bws yn Sir Benfro
Have your say on future of bus services in Pembrokeshire
Mae ymgynghoriad wedi cael ei lansio i’r ffordd y bydd gwasanaethau bws Sir Benfro’n cael eu gweithredu o 2024 ymlaen.
Mae dros 25 o wasanaethau bws lleol yn gweithredu yn y sir, y mae bron y cyfan ohonynt yn cael cymhorthdal gan y Cyngor.
Gostyngodd niferoedd y teithwyr yn sylweddol yn ystod cyfnod Covid ac, ar y rhan fwyaf o wasanaethau, maent islaw lefelau blaenorol o hyd.
Mae pob gwasanaeth bws yn mynd trwy broses aildendro ac mae costau cynyddol yn golygu efallai na fydd hi’n bosibl i’r Cyngor barhau i ariannu’r holl wasanaethau bws yn yr un ffordd yn y dyfodol.
Gofynnir i’r cyhoedd gymryd rhan yn yr ymgynghoriad i roi barn am y ffordd y mae’r Cyngor yn bwriadu gwneud penderfyniadau am ba lwybrau ac opsiynau i’w hariannu.
Y nod yw cyflwyno’r rhwydwaith gorau o fysus yn Sir Benfro o fewn cyfyngiadau’r gyllideb sydd ar gael.
I ymateb i’r ymgynghoriad hwn:
Arolwg ar-lein: Mae’r arolwg ar gael ar-lein.
Drwy’r e-bost: E-bostiwch yr arolwg wedi’i lenwi i public.transport@pembrokeshire.gov.uk
Drwy’r Post: Dychwelwch gopïau papur o’r arolwg i’r Uned Drafnidiaeth, Cyngor Sir Penfro, Neuadd y Sir, Hwlffordd SA61 1TP.
Gallwch ofyn am gopi o’r arolwg drwy’r e-bost public.transport@pembrokeshire.gov.uk neu drwy ffonio 01437 764551.
Sylwch mai 7 Ionawr 2024 yw’r dyddiad cau ar gyfer anfon ymatebion.