Dysgwyr Springboard Ysgol Gymunedol Johnston yn gweithredu
Johnston Community School’s Springboard into action
Mae dysgwyr Springboard yn Ysgol Gymunedol Johnston wedi cael llawer i ddathlu'n ddiweddar wrth i'w gwaith caled i wella'r cyfleoedd dysgu awyr agored dalu ar ei ganfed.
Erbyn hyn, mae gan yr Ysgol gadair bren wedi'i saernïo'n hyfryd ar gyfer Bardd diolch i rieni Springboard y tymor diwethaf, dan arweiniad y tiwtor Dave Welton.
Mae'r gadair storïol gerfiedig yn dathlu hanes Cymru lleol fel Jemima Nicholas, Pentre Ifan, Eglwys Gadeiriol Tyddewi a'r groes Geltaidd yng Nghaeriw.
Daeth disgyblion i wybod mwy amdano mewn gwasanaeth dadorchuddio arbennig, lle'r oedd y Pennaeth Dros Dro, Ross Williams, yn archwilio'r hyn yr oedd y delweddau cerfiedig yn ei gynrychioli.
Daw gwelliant arall i ddisgyblion ar ffurf llwybr bordiau y mae mawr ei angen sy'n cysylltu cae sy'n cael ei brydlesu i'r ysgol gan Gyngor Sir Penfro a maes coetir.
Dan arweiniad Dave Welton, dysgodd grŵp o ddysgwyr Springboard, ynghyd â gwirfoddolwyr anhygoel o Cyfle Cymru, sut i adeiladu llwybr cerdded pren o'r newydd diolch i rodd hael gan Borthladd Aberdaugleddau i Gyfeillion Sbardun.
Dywedodd Cymhorthydd Ymgysylltu Cymunedol ym Mhorthladd Aberdaugleddau, Lauren Williams: "Mae'r llwybr bordiau newydd yn Ysgol Johnston yn edrych yn wych ac roeddem yn falch iawn o gefnogi'r prosiect drwy ein Cronfa Gymunedol.
"Bydd y llwybr bordiau yn cynnig manteision mawr i ddisgyblion o fewn Teulu Ysgolion Aberdaugleddau ac yn eu galluogi i fwynhau cyfleoedd dysgu awyr agored newydd."
Cafodd Laura Phillips, Cydlynydd Springboard ei syfrdanu'n llwyr gan brydferthwch y crefftwaith yr oedd pob dysgwr wedi ei meistroli ar y cwrs hwn.
Ychwanegodd: "Mae'n rhyfeddol yr hyn y gall pobl ei gyflawni wrth roi cynnig ar rywbeth newydd gyda'r gefnogaeth gywir, a'r tiwtor cywir.
"Mae Amy Delaney a Dave Welton, Cynghorydd Springboard a Thiwtor Springboard a fu'n gweithio ar y prosiect, wedi helpu dysgwyr i greu rhywbeth a fydd yn ysbrydoli darllen yn ysgol Johnston am flynyddoedd i ddod. Dylai pawb fod yn hynod falch ohonyn nhw eu hunain."