Mae ‘Cerddoriaeth yn y Faenor’ yn dychwelyd ar gyfer noson gyffrous o adloniant
Music at the Manor returns for an exciting evening of entertainment
Mae Gwasanaeth Cerdd Sir Benfro yn falch o gyhoeddi y bydd "Cerddoriaeth yn y Faenor" yn dychwelyd ddydd Gwener 10 Mai ym Maenor Scolton am noson o adloniant rhagorol.
Bydd dros 150 o gerddorion ifanc o Sir Benfro yn arddangos eu doniau yn amgylchedd hyfryd Scolton.
Dyma'r trydydd digwyddiad Cerddoriaeth yn y Faenor, gan ehangu ar lwyddiant blynyddoedd blaenorol i ddod â noson gyffrous i ddathlu cerddoriaeth o bob rhan o Sir Benfro.
Bydd y gatiau'n agor am 4.30pm i ddechrau am 6pm a gwahoddir gwesteion i ddod â chadair neu flanced a chyrraedd mewn da bryd i ymlacio, mwynhau'r awyrgylch a chael rhywbeth sydyn i'w fwyta.
Ar gyfer pobl sy'n hoff o’u bwyd, bydd darpariaeth flasus ar eu cyfer gan Daps Baps, Pembs Pizza co a Worley's Ice-creams, a bydd Absolute Events Bars yno i ddarparu diod i'w fwynhau gyda’r gerddoriaeth.
Bydd Gabrielle Swales sy’n dalentog iawn, yno i baentio wynebau hefyd.
Yn cymryd rhan fydd:
- Cerddorfa Linynnol Ieuenctid Gwasanaeth Cerdd Sir Benfro
- Band Chwyth Ieuenctid Gwasanaeth Cerdd Sir Benfro
- Band Pres Ieuenctid Gwasanaeth Cerdd Sir Benfro
- Bandiau Roc a Phop Gwasanaeth Cerdd Sir Benfro, "Nebular" a "Broken Strings"
- Ensemble Chwythbrennau Ieuenctid Gwasanaeth Cerdd Sir Benfro
- Cerddorfa Hyfforddiant PMS yn cynnwys chwaraewyr ensemble Ail Gamau
Bydd Cerddorfa Siambr Cleddau a Chôr Cymunedol Gwasanaeth Cerdd Sir Benfro hefyd yn perfformio.
Yn arwain y noson fydd Pennaeth Ysgol Greenhill, David Haynes.
Pris tocynnau yw £8, £4 am docyn consesiwn ac £18 am docyn teulu.
Gallwch brynu tocynnau ar-lein neu fel arall cysylltwch ag Angela White ar 01437 775202.
Bydd tocynnau ar gael ar y noson ond er mwyn lleihau tagfeydd, talwch ymlaen llaw pan fo hynny'n bosibl.