Arweinydd Newydd y Cyngor yn Cadarnhau ei Chabinet
New Council Leader confirms her Cabinet
Mae Arweinydd newydd Cyngor Sir Penfro, y Cynghorydd Tessa Hodgson, wedi cadarnhau ei Chabinet heddiw (dydd Iau).
Y Cynghorydd Hodgson yw Arweinydd benywaidd cyntaf y Cyngor a chafodd ei hethol yng Nghyfarfod Cyffredinol Blynyddol y Cyngor ddydd Gwener, 15 Mai.
Mae'r Cynghorydd Jon Harvey, nad oedd wedi ceisio cael ei ailethol fel Arweinydd, yn dychwelyd i'r Cabinet ac yn cymryd y portffolio Cyllid.
Mae’r Cynghorydd Paul Miller yn cadw swydd y Dirprwy Arweinydd ac yn cymryd portffolio y Cabinet Addysg ac Adfywio.
Y Cynghorydd Guy Woodham oedd â chyfrifoldeb dros addysg ond mae wedi penderfynu camu i lawr o'r Cabinet.
Mae'r Cynghorwyr Aaron Carey (Penfro Monkton a De y Santes Fair) a Sam Skyrme-Blackhall (De Dinbych-y-pysgod) yn ymuno â'r Cabinet ac yn ymgymryd â phortffolio Cymunedau newydd ar drefniant rhannu swydd.
Dywedodd y Cynghorydd Hodgson: "Bydd ein cabinet newydd yn adeiladu ar brofiad y weithrediaeth flaenorol gyda dau ychwanegiad newydd y Cynghorydd Skyrme-Blackhall a'r Cynghorydd Carey, dau gynghorydd profiadol, a fydd yn dod ag egni a syniadau newydd yn eu maes portffolio newydd, sef Cymunedau.
“O amgylch bwrdd y Cabinet rwy'n hyderus bod gennym y profiad a'r wybodaeth i fynd yn syth yn ôl i weithio i bobl Sir Benfro.
“Hoffwn hefyd fanteisio ar y cyfle hwn i gofnodi fy niolch a'm gwerthfawrogiad i'r Cynghorydd Woodham am ei holl waith fel Aelod Cabinet dros Addysg a'r Gymraeg.”
Dyma'r Cabinet llawn a'u portffolios:
Y Cynghorydd Tessa Hodgson, Arweinydd y Cyngor.
Y Cynghorydd Paul Miller, Dirprwy Arweinydd ac Addysg ac Adfywio.
Y Cynghorydd Jon Harvey, Cyllid.
Y Cynghorydd Marc Tierney, Pobl Ifanc a Llesiant Cenedlaethau'r Dyfodol.
Y Cynghorydd Rhys Sinnett, Gwasanaethau Trigolion.
Y Cynghorydd Michelle Bateman, Tai.
Y Cynghorydd Jacob Williams, Cynllunio a Phriffyrdd.
Cynghorydd Alistair Cameron, Gofal Cymdeithasol i Oedolion a Diogelu a'r Iaith Gymraeg.
Y Cynghorydd Aaron Carey, Cymunedau (rhannu swydd gyda'r Cynghorydd Skyrme-Blackhall)
Y Cynghorydd Sam Skyrme-Blackhall, Cymunedau (rhannu swydd gyda'r Cynghorydd Carey).
Bydd y Cabinet yn cyfarfod am y tro cyntaf ddydd Mercher, 27 Mai