Nodyn atgoffa canfasiad blynyddol i bleidleiswyr cyn etholiadau'r Cyngor yn 2027

Gofynnir i drigolion Sir Benfro wirio bod eu manylion cofrestru etholiadol yn gyfredol i sicrhau eu bod yn gymwys i bleidleisio yn y dyfodol - gydag etholiadau Awdurdodau Lleol i ddod y flwyddyn nesaf.

Mae'r canfasiad blynyddol yn caniatáu i Gyngor Sir Penfro gadw'r gofrestr etholiadol yn gyfredol, i nodi pwy sydd mewn perygl o golli eu llais mewn etholiadau, a'u hannog i gofrestru cyn ei bod hi'n rhy hwyr.

Gall unrhyw un sy'n 16 oed neu'n hŷn bleidleisio yn etholiadau Llywodraeth Leol a'r Senedd yng Nghymru, waeth ble y cawsant eu geni.

Anogir pobl sydd wedi symud cartref yn ddiweddar yn arbennig i wirio eu manylion.

Bydd llawer o drigolion eisoes wedi derbyn e-bost yn gofyn iddynt wirio a chadarnhau eu manylion ond os nad ydych, byddwch yn cael llythyr yn yr wythnos nesaf.

Dywedodd Will Bramble, Swyddog Cofrestru Etholiadol Cyngor Sir Penfro: "Y canfasiad blynyddol yw ein ffordd o sicrhau bod y wybodaeth ar y gofrestr etholiadol ar gyfer pob cyfeiriad yn gywir ac yn gyfredol.

"I wneud yn siŵr nad ydych chi'n colli eich cyfle i ddefnyddio eich llais mewn etholiadau, dilynwch y cyfarwyddiadau a anfonwyd atoch chi.

"Os ydych chi eisiau cofrestru, y ffordd hawsaf yw i wneud hynny ar-lein yn www.gov.uk/register-to-vote."

Mae rhagor o wybodaeth ar gael ar wefan Cyngor Sir Penfro a gwefan y Comisiwn Etholiadol.