Pythefnos Gofal Maeth 2025 yn dathlu pŵer perthnasoedd

Mae Pythefnos Gofal Maeth, ymgyrch ymwybyddiaeth faethu fwyaf y flwyddyn, yn cael ei chynnal rhwng 12 Mai a 25 Mai eleni, a'r thema yw dathlu pŵer perthnasoedd.

P'un a yw y cyswllt rhwng gofalwr a phlentyn, y berthynas a grëwyd â gweithwyr cymdeithasol cefnogol, neu'r cyfeillgarwch a ddatblygwyd gyda gofalwyr maeth eraill mewn cymuned, perthnasoedd cryf sy’n cysylltu pob stori faethu.

Yng Nghymru, mae mwy na 7,000 o blant mewn gofal, ond dim ond 3,800 o deuluoedd maeth. Nod Maethu Cymru yw recriwtio 800 o ofalwyr ychwanegol erbyn 2028.

Dywedodd Gemma, sy’n Ofalwr Maeth: "Fe wnaethon ni ofalu am berson ifanc (9 oed). Roedd gyda ni am saith mis gyda chynllun i ddychwelyd adref. Aethom trwy lawer o broblemau ymddygiadol ac roedd y person ifanc penodol hwn yn heriol iawn.

“Fodd bynnag, fe wnaethom weithio'n agos iawn gyda’r fam a’r gweithiwr cymdeithasol a gyda'n gilydd fe wnaeth ddychwelyd adref mewn modd cadarnhaol. Rwy'n cofio eistedd yng ngardd y fam, ar y diwrnod y dychwelodd y person ifanc adref yn barhaol, yn yfed te a gweld sut roedd hi a’i mam yn rhyngweithio. Teimlad gwych o gyflawniad a boddhad.

“Roedd cofio am yr amseroedd anodd iawn hynny a fu cyn y diwrnod hwn yn ddim o'i gymharu. Rwy'n cofio dweud wrthyf fy hun dyma pam rwy'n maethu.”

Ychwanegodd Darren Mutter, Pennaeth Gwasanaethau Plant Cyngor Sir Penfro: "Wrth i ni ddathlu pythefnos Gofal Maeth, rydym yn cael ein hatgoffa o ymroddiad pob gofalwr maeth wrth ddarparu diogelwch a sefydlogrwydd i blant yn ein gofal. Mae yna lawer o wahanol ffyrdd y gallwch chi gefnogi, ac rwy'n annog y rhai sy'n ystyried maethu i estyn allan ac ystyried yr amrywiol ffyrdd y gallant wneud gwahaniaeth ym mywyd person ifanc."

I wybod mwy am fod yn ofalwr maeth yn Sir Benfro ewch i maethucymru.llyw.cymru