Digwyddiad ysgol a chlybiau yn helpu merched i ddod o hyd i chwaraeon newydd i'w mwynhau
School and clubs event helps girls find new sports to love
Mae dwsinau o ferched wedi mwynhau'r cyfle i roi cynnig ar gyfres o wahanol fathau o chwaraeon diolch i ddigwyddiad Chwaraeon Sir Benfro a chlybiau cymunedol lleol.
Roedd digwyddiad Ni’r Merched a gynhaliwyd yn Ysgol Caer Elen yn Hwlffordd cyn gwyliau'r Nadolig yn agored i ferched ym mlynyddoedd ysgol 7 ac 8 o Gaer Elen ac Ysgol Uwchradd WRh Hwlffordd a'i nod oedd rhoi blas ar amrywiaeth o wahanol chwaraeon.
Cymerodd y 37 o ferched ran mewn wyth gweithgaredd a gyflwynwyd gan Ddawnswyr FF, Clwb Pêl-droed Hwlffordd, Clwb Pêl-rwyd Jets, Clwb Golff Hwlffordd, Clwb Tenis Bwrdd Crundale, Clwb Rygbi Hwlffordd, Clwb Tenis Hwlffordd a Chlwb Criced Hwlffordd.
Y gobaith yw y bydd merched cael mwynhad newydd o wahanol chwaraeon ac yn manteisio ar gyfleoedd gyda'r Clybiau dan sylw.
Cynorthwywyd y gweithgareddau gan Lysgenhadon Ifanc o Ysgol Uwchradd WRh Hwlffordd a chefnogwyd y digwyddiad gan amrywiol fusnesau lleol gan gynnwys Princess Gate a gyflenwodd ddŵr, Morrisons a gyflenwodd ffrwythau, a Boots a roddodd fagiau yn llawn nwyddau.
Dywedodd Dan Bellis, Swyddog Pobl Ifanc Egnïol Chwaraeon Sir Benfro: "Roedd yn fore gwych o weithgareddau hwyliog ac roedd yn anhygoel gweld yr holl ferched yn cymryd rhan ac yn mwynhau ystod eang o weithgareddau’r gymuned.
“Diolch yn fawr iawn i bawb a gynorthwyodd i gyflwyno'r chwaraeon ac i'r busnesau lleol a helpodd i wneud y digwyddiad yn gymaint o lwyddiant."