Digwyddiad ysgolion yn cyflwyno merched i chwaraeon newydd
Schools event introduces girls to new sports
Mae dwsinau o ferched o ddwy ysgol yn Hwlffordd wedi mwynhau'r cyfle i roi cynnig ar lu o chwaraeon a gweithgareddau corfforol newydd, diolch i Chwaraeon Sir Benfro.
Cynlluniwyd y digwyddiad Ni’r Merched a gynhaliwyd yn gynharach y mis hwn yn Ysgol Caer Elen i annog merched yn eu harddegau i fod yn fwy egnïol yn gorfforol drwy roi cynnig ar ystod o chwaraeon a gweithgareddau a gynigir yn yr ardal leol.
Cymerodd dros 50 o ferched o Gaer Elen ac Ysgol Uwchradd Hwlffordd ran yn y digwyddiad.
Roedd y gweithgareddau a gynigiwyd yn cynnwys: pêl-droed zorb, tenis, hunanamddiffyn, golff, pêl-rwyd, pêl-fasged, rygbi, gymnasteg, tenis bwrdd, dawns a zumba a gynigir gan glybiau a darparwyr lleol.
Dywedodd Dan Bellis o Chwaraeon Sir Benfro: "Roedd yn wych gweld yr holl ferched yn mwynhau eu hunain ac yn cael y cyfle i roi cynnig ar ystod mor eang o weithgareddau. Rydym yn gobeithio bod rhai bellach wedi dod o hyd i angerdd newydd ac wedi cael eu hysbrydoli i ymuno â Chlwb Cymunedol lleol.”
Cefnogwyd y digwyddiad gan Lysgenhadon Ifanc o Ysgol Uwchradd Hwlffordd a diolch i Morrisons, Princes Gate a Hair Syrup am y lluniaeth a'r gwobrau a ddarparwyd.
