‘Taith Gerdded Pabi’ er Cof wedi’i chreu gan bobl ifanc y dref

Daeth pobl Aberdaugleddau ynghyd yn y Gwasanaeth Coffa blynyddol ddydd Sul i anrhydeddu’r sawl a wnaeth yr aberth eithaf yn ystod rhyfeloedd.

Y llynedd, cysylltodd Gwasanaeth Ieuenctid Cyngor Sir Penfro â Chyngor Tref Aberdaugleddau i drafod y syniad o greu ‘Taith Gerdded Pabïau’ ar Hamilton Terrace, ac maent wedi ail-greu taith gerdded y Pabïau eleni eto.

Bu’r Tîm Ieuenctid Cymunedol yn gweithio gyda’r Gweithiwr Ieuenctid mewn Ysgolion a disgyblion o Ysgol Aberdaugleddau i osod y torchau rhwng y Lleng Brydeinig Frenhinol a’r gofeb ryfeloedd i greu arddangosfa weledol drawiadol a theimladwy, gan hefyd annog mwy o bobl i ddarllen y nodiadau a osodwyd ar bob torch.

Dywedodd Liz Griffiths, Rheolwr y Tîm Ieuenctid Cymunedol, “Rydym yn falch ein bod wedi cymryd rhan mewn creu ‘Taith Gerdded y Pabïau’ eto eleni yn Aberdaugleddau. Mae’n rhoi cyfle i bawb ohonom gofio gwasanaeth ac aberth holl aelodau’r lluoedd arfog, a’u teuluoedd, ac i anrhydeddu’r rhai a fu farw.”