Gwobrwyo talent, sgil ac ymroddiad yng Ngwobrau Chwaraeon Sir Benfro

Cynhaliwyd Gwobrau Chwaraeon Sir Benfro 2024 yn Folly Farm ddydd Gwener, 29 Tachwedd.

Am y tro cyntaf mewn 17 mlynedd, roedd cyflwynydd newydd wrth y llyw ar ôl i'r newyddiadurwr chwaraeon enwog Bill Carne benderfynu rhoi’r gorau iddi yn 2023.

Fe wnaeth Ceri Coleman-Phillips o Chwaraeon BBC Cymru ymgymryd â'r cyfrifoldebau cyflwyno’n wych wrth i'r enillwyr gael eu datgelu.

Dywedodd y beirniaid bod eu gwaith o ddewis enillwyr o’r 252 o enwebiadau o ansawdd uchel a dderbyniwyd o bob rhan o Sir Benfro wedi bod yn anodd iawn.

Enillydd y Wobr Cyflawniad Oes oedd Brian Hearne, am ei gyfraniadau o dros 50 mlynedd i denis yn Sir Benfro.

Dywedir fod Brian yn gystadleuydd ffyrnig ar y cwrt ond yn ŵr bonheddig oddi arno ac mae wedi ysbrydoli chwaraewyr di-ri dros y blynyddoedd

Cymerodd Brian yr awenau yn Nhwrnamaint Tenis Agored Sir Benfro ym 1966, gan sicrhau bod y twrnamaint yn parhau hyd heddiw ar ôl 75 o flynyddoedd.

Yn aelod o dîm cyntaf Hwlffordd am 45 mlynedd, bu Brian yn cynrychioli De Cymru a Chymru mewn grwpiau oedran cyn-filwyr, ac enillodd deitl dyblau Cymru.

I gydnabod ei ymrwymiad gydol oes, Brian oedd aelod oes cyntaf Clwb Tenis Hwlffordd yn 1990. Heddiw, yn 85 oed, mae'n gwasanaethu fel llywydd y clwb.

Enillydd Gwobr Cyflawniad Arbennig y Cadeirydd, a gyflwynwyd gan Gadeirydd Cyngor Sir Penfro, y Cynghorydd Steve Alderman, oedd yr enillydd medal aur Paralympaidd, Matt Bush.

Disgrifiodd y Cynghorydd Alderman Matt fel "athletwr rhyfeddol y mae ei daith yn ymgorffori gwytnwch, ymroddiad a buddugoliaeth."

Ychwanegodd y Cynghorydd Alderman: "Mae buddugoliaeth Matt yn y categori taekwondo K44 + 80kg yng Ngemau Paralympaidd Paris 2024 yn foment nodedig i chwaraeon Sir Benfro.

“Yn hanes 18 mlynedd Gwobrau Chwaraeon Sir Benfro, nid ydym erioed wedi dathlu medal aur Paralympaidd o'r blaen ond rydym yn gwneud hynny nawr gyda balchder aruthrol."

Yn dilyn ei fuddugoliaeth yn yr ornest am fedal aur, derbyniodd Matt yr anrhydedd o fod yn gludwr baner Prydain Fawr ar gyfer y seremoni i gloi'r gemau Paralympaidd.

Gyda buddugoliaeth Matt mewn golwg, yn ystod y noson, edrychwyd yn ôl ar ddynion a menywod o Sir Benfro a fu’n cystadlu yng Ngemau Olympaidd a Pharalympaidd Paris, neu a oedd yn rhan o'r timau cymorth, a sut y bydd eu hymdrechion ar y llwyfan chwaraeon mwyaf yn ysbrydoli'r genhedlaeth nesaf o athletwyr lleol.

Byddai wedi bod yn esgeulus peidio sôn am Jodie Grinham, o Hwlffordd yn wreiddiol, a wnaeth greu hanes trwy fod yr athletwr beichiog cyntaf i ennill medal aur Paralympaidd mewn saethyddiaeth a daeth yn un o wynebau'r Gemau Paralympaidd.

Aeth y wobr ysgol eleni i Ysgol Gynradd WRh Bro Cleddau.

Ystyrir gwobr yr ysgol yn un o'r rhai mwyaf arwyddocaol gan fod meithrin cariad at chwaraeon yn ifanc yn hanfodol bwysig i iechyd a lles parhaus.

Cafodd Ysgol WRh Bro Cleddau, o dan y Pennaeth Rhys Buckley, ei disgrifio fel ysgol yng nghalon ei chymuned yn Llangwm ac yn cynnig nifer o gyfleoedd i ddisgyblion a staff roi cynnig ar bob math o chwaraeon a gweithgareddau.

Mae ethos chwaraeon yr ysgol yn syml ond yn sail i bopeth a wnânt.

Aeth y wobr ysgol eleni i Ysgol Gynradd WRh Bro Cleddau.

Ystyrir gwobr yr ysgol yn un o'r rhai mwyaf arwyddocaol gan fod meithrin cariad at chwaraeon yn ifanc yn hanfodol bwysig i iechyd a lles parhaus.

Cafodd Ysgol WRh Bro Cleddau, o dan y Pennaeth Rhys Buckley, ei disgrifio fel ysgol yng nghalon ei chymuned yn Llangwm ac yn cynnig nifer o gyfleoedd i ddisgyblion a staff roi cynnig ar bob math o chwaraeon a gweithgareddau.

Mae ethos chwaraeon yr ysgol yn syml ond yn sail i bopeth a wnânt.

 

Enillwyr a rownd derfynol:

Gorchest Chwaraeon Merched (Dan 16)

Chloe John-Driscoll (Saethu) - enillydd

Cerys Griffiths (Nofio) - yn y rownd derfynol

Ffion Bowen (Pêl-droed) – yn y rownd derfynol

 

Gorchest Chwaraeon Bechgyn (Dan 16)

Carter Heywood (Pêl-droed) - enillydd

Hugo Boyce (Beicio) – yn y rownd derfynol

Ned Rees-Wigmore (Hoci) - yn y rownd derfynol

 

Clwb y Flwyddyn

Clwb Gymnasteg Hwlffordd – enillydd

Academi Cryfder Cymru - yn y rownd derfynol

Clwb Pêl-droed Merched a Menywod Camros - yn y rownd derfynol

Gwobr Chwaraeon i’r Anabl Iau (Dan 16)

Jac Johnson (Gymnasteg) - enillydd

Finnley Walters (Bocsio) - yn y rownd derfynol

Lewis Crawford (Boccia) - yn y rownd derfynol

Gwobr Chwaraeon i’r Anabl

Jules King (Crossfit) - enillydd

Evelyn Thomas (Codi pŵer) - yn y rownd derfynol

Marc Evans (Criced) - yn y rownd derfynol

 

Gwirfoddolwr Ifanc y Flwyddyn

Anna May (Tenis a syrffio) - enillydd

Caitlin Chapman (Pêl - rwyd) - yn y rownd derfynol

George Richards (Criced) - yn y rownd derfynol

Gorchest Tîm Iau (Dan 16) y Flwyddyn

Tîm Hwylio Iau Clwb Hwylio Neyland - enillydd

Tîm pêl-rwyd dan 12 oed Chaos Thunder - yn y rownd derfynol

Clwb Pêl-droed Hakin United dan 16 oed - yn y rownd derfynol

Arwr Tawel

John Laugharne (Rygbi) - enillydd

Owen Shanklin (Pŵl) - yn y rownd derfynol

Sue Christopher (Syrffio Achub Bywyd) - yn y rownd derfynol

Gorchest Tîm y Flwyddyn

Clwb Hoci Merched Abergwaun ac Wdig - enillydd

Alan Evans, Andrew Evans a Michael John (Bowlio Mat Byr) - yn y rownd derfynol

Tîm Bowlio Sir Benfro- yn y rownd derfynol

Gorchest Chwaraeon i Ddynion

Sam Coleman (Rasio Cychod Pŵer) - enillydd

Jeremy Cross (Tenis) - yn y rownd derfynol

Rhys Llewellyn (Athletau) - yn y rownd derfynol

Gorchest Chwaraeon i Fenywod

Helen Carrington (Codi Pŵer) – enillydd

Gracie Griffiths (Rasio Cerdded) - yn y rownd derfynol

Seren Thorne (Saethu) - yn y rownd derfynol

Trefnydd Clwb y Flwyddyn

Nadine Tyrrell (Gymnasteg) - enillydd

Paul Hudson (Bowlio Mat Byr) - yn y rownd derfynol

Nick Shelmerdine (Criced) - yn y rownd derfynol

 

Hyfforddwr y Flwyddyn

Tom Richards (Tenis) - enillydd

Francesca Morgan (Nofio) - yn y rownd derfynol

Philippa Gale (Pêl-rwyd) - yn y rownd derfynol

Gwobr Ysgol y Flwyddyn

Ysgol Gynradd WRh Bro Cleddau – enillydd

Gwobr Cyflawniad Oes

Brian Hearne - enillydd

Gwobr Cyflawniad Arbennig y Cadeirydd

Matt Bush – enillydd