Teyrnged y Cyngor i'r Cynghorydd Jordan Ryan

Dywedodd Arweinydd y Cyngor, y Cynghorydd Jon Harvey: "Ar ran Cyngor Sir Penfro, hoffwn fynegi ein sioc a'n tristwch eithriadol am farwolaeth y Cynghorydd Ryan.

“Roedd y Cynghorydd Ryan yn ddyn gwerthoedd ac egwyddorion ac roedd yn hynod falch o gynrychioli ei etholwyr yn ward Gogledd Ddwyrain Abergwaun.

“Bydd ei gyfraniadau angerddol a meddylgar i gyfarfodydd y Cyngor yn cael eu colli'n fawr gan bob Aelod, waeth beth fo'u lliwiau gwleidyddol.

“Hoffwn drosglwyddo ein cydymdeimlad dwysaf â theulu a ffrindiau'r Cynghorydd Ryan.”

Yn gyn-faer Abergwaun ac Wdig, ymunodd y Cynghorydd Ryan â Chyngor Sir Penfro yn yr etholiadau ym mis Mai 2022.

Wedi'i ethol yn wreiddiol fel Cynghorydd Llafur, roedd y Cynghorydd Ryan yn cynrychioli ei etholwyr fel aelod digysylltiad ar adeg ei farwolaeth.

Hefyd, gwasanaethodd y Cynghorydd Ryan fel Cadeirydd y Pwyllgor Trosolwg a Chraffu Polisi a Chyn Penderfynu am flwyddyn.