Amser yn brin ar gyfer enwebiadau Gwobrau Chwaraeon Sir Benfro

Bydd y gwobrau yn dathlu eu pen-blwydd yn 20 oed eleni, ac yn dychwelyd i Folly Farm ddydd Gwener, Tachwedd 27, i gydnabod cyflawniad ac ymroddiad rhagorol ym maes chwaraeon ledled y sir.

Diolch i noddwyr y gwobrau Valero, Pure West Radio a Folly Farm am eu cefnogaeth barhaus.

Bydd yr enwebiadau'n cau ddydd Sul, 11 Hydref, felly mae amser yn brin i bobl gydnabod yr athletwyr, y timau, yr hyfforddwyr, y trefnwyr a'r gwirfoddolwyr sydd wedi gwneud gwahaniaeth ym maes chwaraeon yn Sir Benfro dros y flwyddyn ddiwethaf.

Mae'r gwobrau'n dathlu llwyddiant ar y cae ac oddi arno, gan dynnu sylw nid yn unig at ragoriaeth ym myd chwaraeon ond hefyd ymrwymiad y rhai sy'n cynorthwyo chwaraeon ar lawr gwlad i ffynnu.

Categorïau’r gwobrau eleni yw:

• Hyfforddwr y Flwyddyn
• Cyflawniad Chwaraeon Benywaidd
• Cyflawniad Chwaraeon Gwrywaidd
• Cyflawniad Chwaraeon Bechgyn (Dan 16)
• Cyflawniad Chwaraeon Merched (Dan 16)
• Gwobr Chwaraeon Anabledd
• Gwobr Chwaraeon Anabledd Iau (Dan 16)
• Arwr tawel
• Trefnydd Clwb y Flwyddyn
• Cyflawniad Tîm y Flwyddyn
• Cyflawniad Tîm Iau (Dan 16) y Flwyddyn
• Gwirfoddolwr Ifanc y Flwyddyn
• Clwb y Flwyddyn
• Cyflawniad Oes

Bydd Gwobr Ysgol hefyd yn cael ei chyflwyno ar y noson, i gydnabod ysgol leol sy'n gwneud chwaraeon a gweithgarwch corfforol yn hwyl, yn gynhwysol ac yn arloesol gan feithrin cysylltiadau cryf â'r gymuned leol.

Gellir gwneud enwebiadau ar-lein yn: https://www.pembrokeshire.gov.uk/forge/index.asp?x=9CFA08EC34