Tri chyflwyniad arbennig i drigolion ysbrydoledig o Sir Benfro
Three special presentations for inspirational Pembrokeshire residents
Cynhaliwyd dathliad o Fedal yr Ymerodraeth Brydeinig (BEM) yn ddiweddar wrth i dri derbynnydd teilwng o Sir Benfro gael eu hanrhydeddu.
Cyflwynodd Arglwydd Raglaw Dyfed, Miss Sara Edwards, BEM i Mrs Maureen Butler, Mrs Jennifer Mountstephens a Dr John O'Connor mewn seremoni gyda ffrindiau a theulu.
Dyfernir Medal yr Ymerodraeth Brydeinig am wasanaeth sifil neu filwrol teilwng sy'n haeddu cydnabyddiaeth gan y Goron. Mae'n gwobrwyo cyfraniad parhaus, lleol neu waith arloesol, effaith uchel.
Mae Mrs Butler yn derbyn Medal yr Ymerodraeth Brydeinig am wasanaethau i bobl ag anableddau, pobl ifanc ac elusennau.
Yn weinyddwr Lles ar gyfer Catrawd Signal 14, mae Mrs Mountstephens yn derbyn Medal yr Ymerodraeth Brydeinig am wasanaethau i bersonél y gwasanaeth a'r gymuned yn Breudeth.
Mae Dr O'Connor, Cyfarwyddwr Pysgota Cymru, yn derbyn Medal yr Ymerodraeth Brydeinig am wasanaethau i bysgota hamdden yng Nghymru.
Dywedodd yr Arglwydd Raglaw: "Roedd yn anrhydedd ac yn bleser enfawr cwrdd â phobl mor nodedig a chyflwyno'r medalau BEM ar ran Ei Fawrhydi y Brenin.
"Mae eu gwaith i gymuned Sir Benfro yn ysbrydoliaeth i ni i gyd."
Ymunodd ffrindiau a theulu'r derbynwyr â Chadeirydd y Cyngor, y Cynghorydd Maureen Bowen, ar gyfer y digwyddiad yn Siambr y Cyngor, Neuadd y Sir ar 17 Tachwedd, ynghyd â'r Dirprwy Gadeirydd y Cynghorydd Delme Harries ac Uchel Siryf Dyfed, Mrs Ann Jones.
Yn cynorthwyo'r Arglwydd Raglaw yn y seremoni roedd Cadetiaid Sir Benfro yr Arglwydd Raglaw, Richard Davies ac Aeron James.