Newidiadau gwastraff ac ailgylchu dros y Nadolig a'r Flwyddyn Newydd

Ni fydd unrhyw gasgliadau gwastraff ac ailgylchu ar Ddydd Nadolig, Gŵyl San Steffan na Dydd Calan.

Casgliadau'r Nadolig

• Bydd casgliadau sydd i fod i gael eu cynnal ddydd Llun 23 Rhagfyr yn digwydd deuddydd yn gynharach ar ddydd Sadwrn 21 Rhagfyr

• Bydd casgliadau sydd i fod i gael eu cynnal ddydd Mawrth 24 Rhagfyr yn digwydd deuddydd yn gynharach ar ddydd Sul 22 Rhagfyr

• Bydd casgliadau sydd i fod i gael eu cynnal ddydd Mercher 25 Rhagfyr yn digwydd deuddydd yn gynharach ar ddydd Llun 23 Rhagfyr

• Bydd casgliadau sydd i fod i gael eu cynnal ddydd Iau 26 Rhagfyr yn digwydd deuddydd yn gynharach ar ddydd Mawrth 24 Rhagfyr.

Casgliadau'r Flwyddyn Newydd

• Bydd casgliadau sydd i fod i gael eu cynnal ddydd Mercher 1 Ionawr yn digwydd un diwrnod yn ddiweddarach ar ddydd Iau 2 Ionawr.

• Bydd casgliadau sydd i fod i gael eu cynnal ddydd Iau 2 Ionawr yn digwydd un diwrnod yn ddiweddarach ar ddydd Gwener 3 Ionawr

• Bydd casgliadau sydd i fod i gael eu cynnal ddydd Gwener 3 Ionawr yn digwydd un diwrnod yn ddiweddarach ar ddydd Sadwrn 4 Ionawr.

Nid oes unrhyw newidiadau i'r hyn sydd wedi'i drefnu i'w gasglu. Gwnewch yn siŵr bod eich cynwysyddion allan i'w casglu erbyn 6.30am.

Gwiriwch eich calendrau ar-lein neu cofrestrwch ar y gwasanaeth hysbysu trwy Fy Nghyfrif i wirio y mathau o gasgliadau a’r dyddiadau casglu.

I helpu gyda'r gwastraff gweddilliol ychwanegol a gynhyrchir ar adeg y Nadolig, gellir cyflwyno un bag llwyd / du ychwanegol wrth ymyl y ffordd ar adeg eich casgliad gwastraff gweddilliol na ellir ei ailgylchu cyntaf ar ôl y Nadolig.

Mae'n dal i fod yn bwysig ailgylchu cymaint â phosibl, gan gynnwys papur lapio.

Gellir ailgylchu papur lapio os nad yw'n cynnwys gliter neu ffoil, ac os nad yw'n agor eto ar ôl i chi ei wasgu i siâp pêl.

Gwnewch yn siŵr eich bod yn ailgylchu eich gwastraff bwyd er enghraifft esgyrn twrci a chroen tatws.

Mae llawer mwy o wybodaeth am ailgylchu yn Sir Benfro ar adeg y Nadolig ar wefan y Cyngor.

Bydd casgliadau'n dychwelyd i'r drefn arferol o ddydd Llun 6 Ionawr 2025.

Ar gyfer cwsmeriaid gwastraff masnach CSP, bydd y rhai ar y pecynnau busnesau bach/llety gwyliau yn derbyn casgliadau yn unol â'r dyddiadau casglu o aelwydydd a nodir uchod.

Byddwn yn cysylltu â'r holl Gwsmeriaid Gwastraff Masnach eraill yn uniongyrchol drwy e-bost gyda'u dyddiadau casglu dros gyfnod y Nadolig.

Canolfannau Gwastraff ac Ailgylchu ar adeg y Nadolig

Bydd angen i ddefnyddwyr sy’n aelwydydd a defnyddwyr masnachol Sir Benfro archebu slot yn un o'n Canolfannau Gwastraff ac Ailgylchu os ydynt yn dymuno defnyddio'r canolfannau dros gyfnod yr ŵyl. Dim ond defnyddwyr sydd â slot wedi'i archebu ymlaen llaw fydd yn cael eu derbyn.

I archebu slot mewn Canolfan Gwastraff ac Ailgylchu neu i weld y canllawiau defnyddio a'r Cwestiynau Cyffredin ewch i wefan y Cyngor.

Mae'r Cyngor hefyd yn treialu system archebu dros y ffôn 'y tu allan i oriau' ar gyfer archebu slot mewn Canolfan Gwastraff ac Ailgylchu, sydd ar gael rhwng yr amseroedd canlynol:

Llun – Gwener: 5pm – 7pm

Sadwrn – Sul: 8am – Hanner dydd

I archebu eich slot mewn Canolfan Gwastraff ac Ailgylchu yn ystod yr amseroedd hyn, ffoniwch 01437 764551.

Bydd y Canolfannau Gwastraff ac Ailgylchu yn parhau ar agor yn unol ag oriau agor y gaeaf ond byddant ar gau ar Ddydd Nadolig, Gŵyl San Steffan a Dydd Calan.

Casgliad coed Nadolig go iawn

Unwaith eto, gall trigolion drefnu i’w coeden Nadolig go iawn gael ei chasglu o ymyl y ffordd ar ôl cyfnod yr ŵyl.

Am dâl o £5.30 y goeden, bydd coed Nadolig go iawn yn cael eu casglu o gartrefi trigolion ar ddiwrnod dynodedig cyn cael eu hanfon i gyfleuster yn Sir Benfro i’w darnio a’u compostio.

Bydd y gwasanaeth casglu yn dechrau o ddydd Llun 6 Ionawr 2025 a gall deiliaid tai sy'n dymuno trefnu casgliad wneud hynny drwy eich ‘Fy Nghyfrif’ neu drwy ffonio canolfan gyswllt y Cyngor ar 01437 764551 o ddydd Llun 16 Rhagfyr ymlaen.

Bydd ceisiadau am gasgliadau ar gael drwy'r ganolfan gyswllt ar 01437 764551 tan ddydd Gwener 3 Ionawr a thrwy Fy Nghyfrif tan ddydd Sul 5 Ionawr.

Fel arall, gall aelwydydd fynd â'u coed Nadolig i unrhyw Ganolfan Gwastraff ac Ailgylchu yn rhad ac am ddim – gweler uchod yr wybodaeth am archebu slot.