Dyddiad Cau Cais am Ysgol Gynradd
Primary School application deadline
Gwahoddir rhieni/gwarcheidwaid plant yn Sir Benfro a anwyd rhwng 01/09/2020 a 31/08/2021 i wneud cais am le mewn ysgol gynradd (grŵp blwyddyn dosbarth derbyn) ar gyfer Medi 2025 erbyn y dyddiad cau, sef 31 Ionawr 2025.
Bydd ceisiadau sy’n dod i law ar ôl y dyddiad hwn yn cael eu hystyried yn rhai hwyr a allai effeithio ar a fydd eich plentyn yn cael lle yn yr ysgol o’ch dewis.
Mae'n bwysig nodi na fydd lle mewn ysgol yn cael ei ddyrannu oni dderbynnir cais ffurfiol.
Mae’r ffurflen gais ar-lein i’w chael ar wefan Cyngor Sir Penfro: www.sir-benfro.gov.uk/ysgolion-a-dysgu o dan ‘Gwneud Cais am Le mewn Ysgol’.
Nid oes angen ail-ymgeisio os ydych eisoes wedi cyflwyno ffurflen gais. Gallwch weld eich ceisiadau cyfredol trwy fewngofnodi i’ch cyfrif, Fy Nghyfrif, ac i'r adran ‘Ysgolion a Dysgu’, ‘Derbyniadau a Thrafnidiaeth Ysgol’.
I gael rhagor o wybodaeth am y broses derbyn i ysgolion, edrychwch ar ein Gwybodaeth i Rieni
Bydd rhieni/gwarcheidwaid yn cael gwybod am ddyraniad y lleoedd ar y dyddiad cynnig cyffredin, sef 16 Ebrill 2025.