Dyluniadau datblygu tai diweddaraf Brynhir i gael eu harddangos

Bydd cynlluniau ar gyfer datblygiad Brynhir ar gael i'w gweld ddydd Gwener 12 Mai rhwng 4pm a 6pm yng Nghanolfan Hamdden Dinbych-y-pysgod.

Yn dilyn digwyddiadau ymgysylltu blaenorol, defnyddiwyd adborth a sylwadau am y datblygiad arfaethedig i wneud newidiadau a bydd y dyluniad newydd yn cael ei gyflwyno yn y digwyddiad.

Bydd staff Tai Cyngor Sir Penfro ar gael i ateb unrhyw gwestiynau sydd gan y cyhoedd. 

Mae'r cynigion wedi'u diweddaru wedi dilyn cyfnod hir o waith i ddatblygu dyluniad sy'n cwblhau’r dref, gan ddarparu eiddo sy'n cefnogi angen yr ardal ac i helpu adeiladu cymunedau.

Mae ardaloedd cymunedol wedi bod yn bwysig i'r datblygiad, gan gynnig 'llawr pentref' cymunedol ac 'ymylon parcdir' i gartrefi ar y ffin.

Mae rhodfa gylchol wedi'i chynllunio, gan ddarparu mynediad i Barc Upper Hill, Hen Narberth Road a hawliau tramwy cyhoeddus. 

Bydd tai hefyd yn bodloni gofynion Gofynion Ansawdd Datblygu Cymru (WDQR), gan ddarparu technolegau gwresogi adnewyddadwy ac effeithlonrwydd ynni.

Dros y misoedd nesaf, bydd y tîm datblygu'n adeiladu ar y cysyniad, gan ymgorffori eiddo dyrchafedig, tirwedd ac ymchwiliadau rheoli dŵr manwl.

Bydd byrddau gwybodaeth ar gael i'w gweld gan y gymuned hyd at ddydd Llun 29 Mai yng nghyntedd y ganolfan hamdden. 

Os oes gennych chi unrhyw gwestiynau am y datblygiad hwn, anfonwch at y Tîm Cyswllt Cwsmeriaid yn housingclo@pembrokeshire.gov.uk