Pwyslais ar gynaliadwyedd yn y digwyddiad galw heibio i fusnesau'r wythnos hon
Sustainability focus at business support drop in this week
Bydd Cynghrair Mentrau Cynaliadwy Sir Benfro yn cynnal eu Cyfnewidfa Cynaliadwyedd gyhoeddus gyntaf mewn digwyddiad galw heibio yr wythnos hon yng Nghanolfan Arloesi'r Bont.
Mae'r gynghrair, sy'n cynnwys cynrychiolwyr o Borthladd Aberdaugleddau, Parc Gwyliau Bluestone a Chyngor Sir Penfro, yn dathlu ac yn cefnogi gwaith blaengar y rhanbarth yn y maes cynaliadwyedd, o ddatgarboneiddio cadwyni cyflenwi i wella arferion busnes cynaliadwy.
Gwahoddir cwmnïau sydd wedi eu sefydlu neu'r rhai sy'n ystyried dechrau busnes newydd i ymweld â Chanolfan Arloesi'r Bont, Doc Penfro ddydd Gwener, 30 Mai, 9am i 12pm i ddarganfod pa gymorth busnes sydd ar gael gan amrywiaeth o sefydliadau gan gynnwys Cyngor Sir Penfro, Busnes Cymru, Ffederasiwn y Busnesau Bach a Croeso Sir Benfro.
Mae'r Gynghrair Mentrau Cynaliadwy yn cynnig cymorth cynaliadwyedd am ddim gyda chenhadaeth i gyflymu gwaith cadarnhaol ledled y sir i greu Sir Benfro fwy cynaliadwy, gan gefnogi cymunedau ffyniannus sy'n cydbwyso anghenion pobl, y blaned a ffyniant ledled y rhanbarth.
Dywedodd Rhys Morgan, Rheolwr Lleihau Carbon Cyngor Sir Penfro: "Mae yna nifer o fusnesau sy'n gweithredu'n gynaliadwy yn y maes hwn y dylid eu dathlu a'u cefnogi. Rydyn ni’n cynnal digwyddiad galw heibio poblogaidd i fusnesau ar ddydd Gwener olaf pob mis. Mae'n wych gallu canolbwyntio ar gynaliadwyedd a lleihau carbon fis yma a chynnig cyfle i gwmnïau Sir Benfro ddarganfod mwy am y cymorth sydd ar gael, trafod heriau a rhwydweithio â phobl leol eraill o'r sectorau hyn.”
Os oes gennych unrhyw ymholiadau, anfonwch e-bost at alex.evans@pembrokeshire.gov.uk
Bydd lluniaeth ar gael, cofrestrwch drwy Eventbrite https://www.eventbrite.co.uk/e/digwyddiad-galw-heibio-i-fusnesau-drop-in-business-support-networking-tickets-446057167997?aff=oddtdtcreator