Sgôr ragorol i Amlosgfa Parc Gwyn

Asesodd yr arolygiad berfformiad mewn wyth maes allweddol o ddarparu gwasanaethau, gan gynnwys gweithdrefnau gweithredol, cydymffurfiaeth statudol a rheoleiddiol, ansawdd y gwasanaeth, a safon y cyfleusterau.

Canfu'r arolygydd lefel uchel o gydymffurfiaeth ym mhob maes.

O ganlyniad, dyfarnwyd Tystysgrif Cydymffurfiaeth i'r amlosgfa i gydnabod ei hymrwymiad parhaus i gynnal safonau uchel wrth ddarparu gwasanaethau claddu ac amlosgi.

Dywedodd y Cynghorydd Rhys Sinnett, Aelod Cabinet dros Wasanaethau Preswylwyr: "Rydym wrth ein bodd gyda'r canlyniad, sy'n adlewyrchu ymroddiad a gwaith caled holl aelodau'r tîm ym Mharc Gwyn.

"Mae staff yn ymfalchïo mewn darparu gwasanaeth urddasol o ansawdd uchel i bawb, o’r gwaith gweinyddol a darparu gwasanaethau i weithrediadau amlosgi a chynnal a chadw'r tir."

Mae canlyniad yr arolygiad yn dangos ymrwymiad parhaus yr amlosgfa i ddarparu gwasanaethau tosturiol, proffesiynol a chynnal cyfleusterau rhagorol i'r cymunedau y mae'n eu gwasanaethu.

Flwyddyn diwetha  agorodd Parc Gwyn ddôl goffa blodau gwyllt yn swyddogol i ddarparu lle naturiol a heddychlon ar gyfer cofio a myfyrio.

Mae'r ddôl yn rhoi mwy o ddewis i deuluoedd lle gellir claddu gweddillion wedi’u amlosgi, ac yn cynnig opsiynau coffa newydd i helpu i goffáu anwyliaid mewn lleoliad heddychlon.