![West Street Abergwaun](https://cdn.prgloo.com/media/1af6c4a33fb245a48431bdbd452792fc.jpg?width=968&height=1452)
Tair tref arall i elwa o gynllun paentio
Further three towns to benefit from paint scheme
Gall busnesau'r Stryd Fawr mewn tair tref arall wneud cais am gyllid i adfywio eu heiddo.
Mae busnesau ar Stryd y Gorllewin a Stryd Fawr Abergwaun, Prif Stryd Penfro a Stryd Dimond a Heol y Frenhines yn Noc Penfro bellach wedi'u cynnwys yn y Cynllun Paentio Strydlun.
Cafodd y cynllun paent, sy'n rhan o Raglen Gwella Strydoedd Cyngor Sir Penfro, yn gynharach yn y flwyddyn yn Aberdaugleddau, cyn cael ei ymestyn i Hwlffordd.
Bydd y gronfa'n cefnogi perchnogion eiddo cymwys a thenantiaid/lesddeiliaid sydd â chaniatâd ysgrifenedig perchennog yr eiddo. Gellir defnyddio grantiau i brynu deunyddiau (primer, tangôt cerrig a phaent cerrig allanol) neu tuag at gost defnyddio contractwr.
Bydd y grantiau'n darparu 80 y cant o gyfanswm y gwariant cyfalaf a'r uchafswm grant i bob eiddo yw £4,999. Rhaid cwblhau'r cynlluniau erbyn mis Tachwedd 2024.
I gael gwybodaeth lawn am y Cynllun Paentio Strydlun, gan gynnwys manylion cymhwysedd y grant a dolen i wneud cais am y cynllun
- edrychwch ar dudalen Rhaglen Gwella Strydoedd y Cyngor ar y wefan
- neu e-bostiwch spfstreetenhancement@pembrokeshire.gov.uk
Mae'r prosiect yn cael ei ariannu gan Gronfa Ffyniant Gyffredin y DU a’r Gronfa Ffyniant Bro i annog canol trefi bywiog, cynnal a chynyddu nifer yr ymwelwyr i gefnogi siopau, lleihau adeiladau gwag, creu swyddi ac annog byw yng nghanol trefi.