Ysgol Aberdaugleddau: Gweithio gyda'n gilydd i wneud gwelliannau ar gyfer dysgwyr

Mae'r Cyngor wedi ymrwymo'n llwyr i fynd i'r afael â'r argymhellion ac ysgogi gwelliant cyflym. Rydym wedi croesawu ymweliadau gan Estyn i weithio ar y cynllun gweithredu drafft ac mae'r gwaith hwn ar y gweill. Mae ein timau'n gweithio gyda'r ysgol i sicrhau bod y cymorth angenrheidiol yn cael ei ddarparu.

Mae'r Cyngor yn hyderus y gellir gwneud y gwelliannau angenrheidiol yn gyflym ac yn effeithiol, ac mae’n edrych ymlaen at ddangos y cynnydd hwn i Estyn yn ystod eu hymweliadau monitro.

Bydd y gwaith hwn yn cynnwys cefnogi’r tîm arweinyddiaeth a chorff llywodraethu'r ysgol gyda her briodol i sicrhau bod ganddynt y capasiti a'r gefnogaeth gywir. Bydd hefyd yn cadw’r pwyslais yn glir ar sicrhau gwelliant parhaus mewn canlyniadau ar gyfer disgyblion.

Dywedodd yr Aelod Cabinet dros Addysg a'r Gymraeg, y Cynghorydd Guy Woodham: "Ein blaenoriaeth yw sicrhau bod pob dysgwr yn yr ysgol yn cael addysg o ansawdd uchel a chynnal lles pob dysgwr.

Er gwaethaf yr heriau a nodwyd, fe wnaeth Estyn gydnabod nifer o gryfderau pwysig yn Ysgol Aberdaugleddau, gan gynnwys:

• Y gymuned ofalgar a chynhwysol y mae'n ei darparu
• Y cwricwlwm eang a chytbwys sy'n cael ei gynnig gan yr ysgol
• Yr ystod o gyfleoedd sgiliau ehangach a digidol a gynigir ar draws y cwricwlwm
• Hyrwyddo ymddygiad cadarnhaol a ddarperir gan arweinwyr yn yr ysgol

Mae'r cryfderau hyn yn darparu sail ar gyfer gwelliant yn y dyfodol ac yn dangos ymrwymiad yr ysgol a'r cyngor i sicrhau llwyddiant dysgwyr yn y dyfodol.

Bydd yr ysgol yn parhau i roi gwybodaeth i rieni, gofalwyr a'r gymuned ehangach trwy ddiweddariadau rheolaidd a digwyddiadau ymgysylltu.

Bydd rhagor o fanylion am y cynllun gweithredu yn dilyn yr arolygiad yn cael eu cyhoeddi ar wefan Ysgol Aberdaugleddau ar ôl iddo gael ei gymeradwyo gan Estyn.