Dyddiad cau ar gyfer ceisiadau meithrin cyn bo hir
Nursery place application deadline approaching
Bydd angen i Rieni/Gwarcheidwaid plant a anwyd rhwng 01/09/2020 a 31/08/2021 yn Sir Benfro wneud cais am le mewn ysgol feithrin ar gyfer misoedd Ionawr, Ebrill a Medi 2024 erbyn y dyddiad cau, sef 30 Ebrill 2023.
Bydd ceisiadau a ddaw i law ar ôl 30 Ebrill 2023 yn cael eu hystyried yn hwyr, a gallai hyn effeithio ar p'un a yw'r plentyn yn cael lle yn eu ddewis ysgol.
Mae'n bwysig nodi na fydd lle mewn ysgol yn cael ei ddyrannu oni dderbynnir cais ffurfiol.
I gael gwybodaeth ynghylch pa dymor y dylai eich plentyn fod yn ymuno â'r feithrinfa, dilynwch y ddolen hon i'r ddogfen Gwybodaeth i Rieni 2023-24, sy'n nodi'r tymhorau ar sail dyddiad geni eich plentyn a pha ysgol rydych yn gwneud cais amdani.
Nid oes angen ailymgeisio os ydych eisoes wedi cyflwyno ffurflen. Cysylltwch â Derbyniadau Ysgolion drwy anfon e-bost at admissions@pembrokeshire.gov.uk os hoffech wirio os oes cais eisoes wedi'i wneud.
Caiff Rhieni/Gwarcheidwaid eu hatgoffa nad yw mynychu meithrinfa mewn ysgol yn gwarantu lle mewn dosbarth derbyn/cynradd a bydd angen cyflwyno cais ar wahân ar gyfer hyn.
Caiff Rhieni/Gwarcheidwaid eu hysbysu am leoedd meithrin erbyn 31 Gorffennaf 2023.