Galw isetholiad yn dilyn marwolaeth drist Cynghorydd Sir yn ddiweddar
By-election called following recent sad death of County Councillor
Bydd isetholiad yn cael ei gynnal yn Yr Aberoedd yn dilyn marwolaeth drist y Cynghorydd Sir Peter Morgan ym mis Gorffennaf.
Bydd Hysbysiad Etholiad yn cael ei gyhoeddi ar 5 Medi. Rhaid i unrhyw un sy'n dymuno sefyll etholiad gyflwyno eu papurau enwebu i'r Swyddog Canlyniadau rhwng 6 a 13 Medi, rhwng 10am a 4pm.
I gael rhagor o wybodaeth ac i gael papurau enwebu e-bostiwch electoralservices@pembrokeshire.gov.uk neu ffoniwch y llinell gymorth etholiadau 01437 775844.
Bydd y Datganiad o Bobl a Enwebwyd yn cael ei gyhoeddi ar ôl i'r cyfnod enwebu ddod i ben. Os bydd mwy nag un, bydd yr isetholiad yn cael ei gynnal ar 10 Hydref.
Mae ward Yr Aberoedd yn cynnwys Aberllydan, Aber Bach, Talbenny, Nolton a'r Garn.
Os oes gennych ddiddordeb mewn bod yn Gynghorydd mae mwy o wybodaeth ar gael ar dudalen yr adran Gwasanaethau Democrataidd ar wefan y Cyngor.
Mae manylion am gofrestru i bleidleisio ar gael ar wefan Cyngor Sir Penfro.
Dywedodd y Swyddog Canlyniadau Will Bramble: "Roeddem i gyd yn drist iawn o golli ein gwas cyhoeddus hirsefydlog y Cynghorydd Peter Morgan. Mae ei farwolaeth wedi arwain at rôl wag Yr Aberoedd. Byddwn yn annog trigolion ward Yr Aberoedd i gofrestru i bleidleisio a phleidleisio yn yr isetholiad sydd i ddod."
Bydd cardiau pleidleisio yn cael eu hanfon at etholwyr cyn yr etholiad a fydd yn nodi pa orsaf bleidleisio i bleidleisio ynddi.