Gofyn am farn trigolion ar gynlluniau cyllideb y Cyngor sydd i ddod
Residents’ views wanted on Council’s upcoming budget plans
Mae'r ymgynghoriad cyhoeddus ar gyllideb Cyngor Sir Penfro ar gyfer y flwyddyn sydd i ddod yn dal ar agor.
Mae trigolion yn cael eu hannog i gymryd rhan a dweud eu dweud ar fantoli'r gyllideb yn 2024-25.
Dywedodd Aelod Cabinet y Cyngor dros Gyllid, y Cynghorydd Alec Cormack: "Mae'n bwysig iawn ein bod yn clywed gan gynifer o bobl yn Sir Benfro â phosibl," meddai.
"Fel Cynghorau eraill, rydym unwaith eto yn wynebu pwysau cyllidebol sylweddol ac mae deall blaenoriaethau cymunedol ac aelwydydd yn hanfodol i'n helpu i wneud y dewisiadau anodd sy'n angenrheidiol wrth bennu cyllideb 2024-25.
Rydym yn edrych ymlaen at glywed gennych."
Amcangyfrifir bod y bwlch cyllido ar gyfer 2024-25 yn £27.1 miliwn, ac mae potensial iddo gynyddu ymhellach.
Mae'r ymgynghoriad yn cynnwys amrywiaeth o gynigion ar newidiadau i wasanaethau, ffioedd a thaliadau a’r Dreth Gyngor.
Mae Adnodd Modelu Cyllideb hefyd ar gael i ddangos gwahanol opsiynau a chanlyniadau sy'n ymwneud â'r cynigion hyn.
I gael gwybod mwy ac i roi eich barn, ewch i'r dudalen Dweud Eich Dweud ar wefan Cyngor Sir Penfro cyn dydd Mercher 3 Ionawr 2024.