Mae’r ymgynghoriad ar y gyllideb yn parhau, gwnewch yn siŵr eich bod yn dweud eich dweud!

Bydd yr ymgynghoriad ar y gyllideb yn helpu'r Cyngor i ddeall pa wasanaethau sy'n bwysig i'r cyhoedd wrth i'r Awdurdod Lleol wynebu dewisiadau anodd ar gyfer 2025-26 a thu hwnt.

Fel cynghorau eraill yng Nghymru, mae CSP yn wynebu pwysau cyllidebol parhaus a bydd angen gwneud arbedion.

Ceir nifer o gynigion a fydd o bosibl yn effeithio ar y ffordd y mae'r cyhoedd yn derbyn gwasanaethau.

Yr wythnos diwethaf rhoddwyd diweddariad i'r Cyngor Llawn ynghylch y setliadau ariannu dros dro ar gyfer Awdurdodau Lleol gan Lywodraeth Cymru.

Dywedodd yr Aelod Cabinet dros Gyllid ac Effeithlonrwydd, y Cynghorydd Joshua Beynon, wrth y cyfarfod fod y setliad ar gyfer Sir Benfro yn fwy cadarnhaol na'r disgwyl, ond bod dewisiadau anodd i'w gwneud o hyd. Y cynnydd yw 3.6%, £8.1 miliwn ychwanegol. Mae hyn yn gadael bwlch ariannol o tua £28.1 miliwn.

Bydd adroddiadau llawn ar effaith y setliad ar y gyllideb a'r bwlch cyllido a ragwelir yn cael eu cyflwyno i'r Cabinet a Phwyllgorau Craffu yn y Flwyddyn Newydd, cyn dychwelyd i'r Cyngor Llawn ym mis Chwefror.

Gallwch roi eich barn ar opsiynau arbed arian y Cyngor ar gyfer y gyllideb drwy lenwi'r ffurflen ymateb ar-lein yma: https://www.sir-benfro.gov.uk/dweud-eich-dweud/ymgynghoriad-cyllideb-25-26

Mae'r ymgynghoriad ar-lein hefyd yn cynnwys offeryn modelu cyllideb y gellir ei weld yma:

https://opsiynaucyllideb.sir-benfro.gov.uk/

Os hoffech gael copi papur o'r ffurflen ymateb, ffoniwch 01437 764551 neu e-bostiwch enquiries@pembrokeshire.gov.uk 

Y dyddiad cau ar gyfer ymatebion wedi'u cwblhau yw 5 Ionawr 2025.