Nodyn atgoffa am ryddhad ardrethi ar gyfer busnesau manwerthu, hamdden a lletygarwch
Rates relief reminder for retail, leisure and hospitality businesses
Mae nodyn atgoffa yn cael ei anfon i fusnesau yn y sectorau manwerthu, hamdden a lletygarwch yn Sir Benfro i wneud cais am ryddhad ardrethi.
Gwnaeth Llywodraeth Cymru gyhoeddi’r cynllun rhyddhad ardrethi i fusnesau manwerthu, hamdden a lletygarwch yng Nghymru ar gyfer 2024/25.
Ymhlith yr eiddo a all elwa mae siopau, tafarndai a bwytai, campfeydd, lleoliadau perfformio a gwestai.
Rhoddir rhyddhad i fusnesau cymwys fel gostyngiad i’r bil ardrethi yn seiliedig ar feddiannaeth rhwng 1 Ebrill 2024 a 31 Mawrth 2025.
Nod y cynllun yw darparu cymorth ar gyfer eiddo a feddiannir cymwys drwy gynnig gostyngiad o 40% ar filiau ardrethi annomestig.
Y dyddiad cau ar gyfer gwneud cais yw 31 Mawrth 2025.
Am fwy o wybodaeth am y rhyddhad a’r ffurflen gais, ewch i'n gwefan: https://www.sir-benfro.gov.uk/trethi-busnes/rhyddhad-ardrethi-manwerthu-hamdden-a-lletygarwch-yng-nghymru