Pleidleisiwch dros gynrychiolydd newydd yn dilyn marwolaeth drist Cynghorydd Sir
Vote for new representative following sad death of County Councillor
Bydd is-etholiad yn cael ei gynnal yn Llanisan-yn-Rhos yn dilyn marwolaeth drist y Cynghorydd Sir Reg Owens fis diwethaf.
Cyhoeddir Hysbysiad Etholiad ar 8 Mawrth. Rhaid i unrhyw un sy'n dymuno sefyll etholiad gyflwyno ei bapurau enwebu i'r Swyddog Canlyniadau rhwng 8 a 18 Mawrth.
Bydd Datganiad ynghylch y Personau a Enwebwyd yn cael ei gyhoeddi ar ôl i'r enwebiadau ddod i ben.
Mae ward Cyngor Sir Llanisan-yn-Rhos yn cynnwys ardaloedd cyfagos Dale, Herbrandston, Marloes, Sain Ffrêd, Tiers Cross a Chastell Gwalchmai.
Os oes gennych ddiddordeb mewn bod yn Gynghorydd mae rhagor o wybodaeth ar gael ar dudalen Gwasanaethau Democrataidd gwefan y Cyngor.
Mae gan unrhyw drigolion nad ydynt wedi cofrestru i bleidleisio hyd at 27 Mawrth i wneud hynny a hyd at 28 Mawrth i wneud cais am bleidlais post neu 8 Ebrill am bleidlais trwy ddirprwy. Mae manylion llawn ar gael ar Wefan Cyngor Sir Penfro (yn agor mewn ffenestr newydd).
Dywedodd y Swyddog Canlyniadau, Will Bramble: “Roeddem i gyd yn drist iawn o glywed am farwolaeth y Cynghorydd Reg Owen. Roedd yn enghraifft anhygoel o was cyhoeddus rhagorol a byddwn yn gweld ei eisiau. Mae ei farwolaeth wedi arwain at y swydd wag yn Llanisan-yn-Rhos. Byddwn yn annog trigolion ward Llanisan-yn-Rhos i bleidleisio, ac i gofrestru i bleidleisio, hyd yn oed os nad ydynt yn siŵr eto eu bod am bleidleisio.”
Dylai trigolion nodi bod yr is-etholiad hwn yn cael ei gynnal ar ddydd Mawrth, nid ar ddydd Iau fel sy'n arferol ar gyfer y rhan fwyaf o etholiadau eraill.
Bydd cardiau pleidleisio yn cael eu hanfon at etholwyr cyn yr etholiad, a fydd yn nodi ym mha orsaf bleidleisio y dylech bleidleisio.