![Arwydd gorsaf drenau Saundersfoot](https://cdn.prgloo.com/media/83cb16f348d14a6ba8830e3caa5a7912.jpg?width=968&height=1452)
Gofyn am adborth trigolion ar wella cynlluniau Teithio Llesol
Residents’ feedback on improving Active Travel plans wanted
Mae tîm Teithio Llesol Cyngor Sir Penfro yn gofyn am eich mewnbwn i’r Llwybrau Defnydd Ar y Cyd Teithio Llesol arfaethedig yn Saundersfoot.
Bydd y Llwybr Defnydd Ar y Cyd arfaethedig, a gefnogir trwy gyllid gan Lywodraeth Cymru, yn cysylltu Marina Saundersfoot â Sandy Hill Road.
Mae’r llwybr yn ffurfio rhan o gynllun ehangach a fydd yn cysylltu Gorsaf Saundersfoot â Dinbych-y-pysgod yn y pen draw.
Mae’r Cynllun yn symud ymlaen mewn dau gam, sef Marina Saundersfoot i Stammers Road (Cam 1) a Stammers Road i Sandy Hill (Cam 2).
Mae dyluniad manwl Cam 1 yn mynd rhagddo ar hyn o bryd, ac mae’r tîm Teithio Llesol yn casglu adborth gwerthfawr ar ddyluniad y cynllun, cynigion ac unrhyw bwyntiau allweddol y mae angen mynd i’r afael â nhw gan y rheiny sy’n gwneud y defnydd mwyaf o’r ardal.
Mae mwy o fanylion am y cynllun ac arolwg ar gyfer plant ysgol ac un ar gyfer trigolion neu ymwelwyr ar gael trwy MapData Cymru. Y dyddiad cau ar gyfer ymatebion yw 22 Medi.
Dywedodd Cynghorydd Sir De Saundersfoot, Chris Williams: “Mae mor bwysig i’r gymuned gael mynediad diogel at holl ardaloedd y pentref. Mae’r cyswllt Teithio Llesol yn gam cadarnhaol ar gyfer lles pobl a sicrhau bod pob rhan o’r pentref yn hygyrch.”
Mae’r cynllun yn cynnig darparu Llwybrau Defnydd Ar y Cyd ar hyd Teras y Bragdy, ac wedyn i fyny Stammers Road.
Mae gwelliannau arfaethedig yn cynnwys ail-alinio’r ffordd gerbydau, lledu’r llwybrau troed i Safonau Llwybrau Defnydd Ar y Cyd, gwella mannau croesi ar y ffordd a chyflwyno croesfannau sebra ar gyffordd y Marina.
Dywedodd y Cynghorydd Alec Cormack, Cynghorydd Sir Gogledd Saundersfoot: “Bydd trigolion sy’n cerdded ac yn seiclo yn yr ardal yn rheolaidd yn gallu taflu goleuni ar yr hyn y dylai’r cynllun Teithio Llesol ei gynnwys, a byddwn i’n annog cynifer o bobl ag y bo modd i gymryd rhan yn yr arolwg.”