Swyddogion y Cyngor yn cynnal ymweliadau mewn ymateb i ddigwyddiad Ffliw Adar

Yn ogystal, mae arwyddion heol yn cael eu codi gan yr awdurdod lleol ar hyn o bryd I helpu egluro ble mae’r parthau hyn yn dechrau ac yn gorffen, a fydd yn parhau ar waith nes y gellir codi’r cyfyngiadau. 

Mae swyddogion y Cyngor yn gweithio i gefnogi cydweithwyr milfeddygol o'r Asiantaeth Iechyd Anifeiliaid a Phlanhigion sy'n rheoli'r ymateb i'r digwyddiad.

Mae map sy'n dangos maint y parthau a'r cyfyngiadau sy'n berthnasol i'w weld ar wefan Llywodraeth Cymru: https://www.llyw.cymru/datgan-parth-gwarchod-gwyliadwriaeth-ffliw-adar-ger-aberdaugleddau-sir-benfro-30-hydref-2025

Mae'n hanfodol bod ceidwaid adar yn parhau i fod yn wyliadwrus ac yn sicrhau bod ganddynt y lefelau uchaf o fioddiogelwch ar waith. Bydd hyn yn helpu gofalwyr i warchod eu adar rhag y risg o haint ac i atal lledaeniad pellach o’r clefyd.

A oes rhaid i mi gofrestru fel cadwr adar

O 1 Hydref, 2024 – mae gofyniad i bob ceidwad adar, waeth beth yw maint yr haid, gofrestru eu hadar yn swyddogol.

Pa adar sy'n cael eu cwmpasu gan y newid hwn?

Rhaid i chi gofrestru o fewn un mis ar ôl cadw cyw iâr neu adar eraill mewn dalfa ar unrhyw safle yng Nghymru. Nid oes angen i chi gofrestru eich adar os cânt eu cadw'n llwyr mewn anheddiad preifat, fel parro, canari neu fwddi, nad ydynt byth yn gadael y tŷ heblaw am ymweld â milfeddyg neu ar gyfer cyfnod byr arall.

Trwy gofrestru eu hadar, bydd ceidwaid yn sicrhau eu bod yn derbyn diweddariadau pwysig sy'n berthnasol iddynt, megis ar unrhyw achosion o glefyd adar lleol a gwybodaeth am reolau bioddiogelwch i helpu i amddiffyn eu heidiau.

Bydd angen i geidwaid adar ddarparu gwybodaeth, gan gynnwys eu manylion cyswllt, y lleoliad lle mae adar yn cael eu cadw a manylion yr adar (rhywogaeth, nifer ac am yr hyn maent yn cael eu cadw ar ei gyfer). 

https://www.gov.uk/guidance/register-as-a-keeper-of-less-than-50-poultry-or-other-captive-birds#how-to-register

Cyfrifoldebau pobl sy'n cadw adar:

• Dylai pob ceidwad adar fod yn wyliadwrus am arwyddion o'r clefyd er enghraifft mwy o farwolaethau, problemau anadlu a gostyngiadau mewn cymeriant bwyd neu ddŵr, neu gynhyrchu wyau.
• Ymgynghorwch â'ch milfeddyg yn y lle cyntaf os yw'ch adar yn sâl.
• Os ydych chi neu'ch milfeddyg yn amau y gallai ffliw adar fod yn achosi salwch yn eich adar, rhaid i chi, yn ôl y gyfraith, roi gwybod am hyn i Asiantaeth Iechyd Anifeiliaid a Phlanhigion Cymru ar 0300 303 8268. Bydd hyn yn sbarduno ymchwiliad i glefyd gan filfeddygon APHA.
• Rhaid i chi gymhwyso mesurau bioddiogelwch llym i atal unrhyw ddeunyddiau, offer, cerbydau, dillad, porthiant neu ddeunydd gwely a allai fod wedi'u halogi gan adar gwyllt rhag dod i'ch safle. Mae'r manylion llawn a'r rhestr wirio ar gael yma: bioddiogelwch ac atal afiechyd mewn adar caeth.

Mae asiantaethau iechyd y DU yn cynghori bod y risg i iechyd y cyhoedd o'r feirws yn isel iawn ac mae asiantaethau safonau bwyd y DU yn cynghori bod ffliw adar yn peri risg isel iawn i ddiogelwch bwyd i ddefnyddwyr y DU.

Gall aelodau o'r cyhoedd nad ydynt yn cadw adar helpu trwy roi gwybod am adar gwyllt marw. Os byddwch yn dod o hyd i adar dŵr gwyllt marw (elyrch, gwyddau neu hwyaid) neu adar gwyllt marw eraill fel gwylanod neu adar ysglyfaethus dylech roi gwybod amdanynt i linell gymorth Defra ar 03459 33 55 77

Gall DEFRA gasglu'r rhain i'w harchwilio a gwyliadwriaeth ffliw adar, yn dibynnu ar y rhywogaeth a'r lleoliad. Mae'n bwysig peidio â chodi na chyffwrdd unrhyw adar sâl neu farw.

Ni ddylid rhoi gwybod I Defra am adar gwyllt sy’n sâl neu wedi’u hanafu. Yn hytrach, cysylltwch â’r RSPCA (Yng Nhgymru a Lloegr) ar 0300 1234 999 a bydd yn gallu cynnig cymorth o bosib.

Perchennog y tir sydd i ddelio ag adar marw ar dir preifat.