Sbotolau yn disgleirio ar bobl ifanc y Sir mewn gwobrau blynyddol

Cynhaliwyd y Gwobrau - cydweithrediad rhwng Ieuenctid Sir Benfro, y Swyddfa Hawliau Plant a Phobl Ifanc a Gwasanaethau Plant - ar 22 Tachwedd yn Theatr Myrddin, Coleg Sir Benfro i ddathlu llwyddiannau pobl ifanc Sir Benfro.

Da iawn i'r bobl ifanc o Fanc Ieuenctid Sir Benfro, a fu'n rhan o'r broses gyfan, o’r cysyniad, i gynllunio, i fod yn rhan o noson y gwobrau.

Roedd hwn yn ddigwyddiad 'Ar Gyfer Pobl Ifanc, Gan Bobl Ifanc.’

Fe wnaeth nawdd gan BAM Nuttall a Pure West Radio alluogi'r gwobrau i fynd yn eu blaen eleni a helpu i'w gwneud hi'n noson gofiadwy. 

Gwelodd y digwyddiad rai cyflawniadau anhygoel yn cael eu nodi a'u dathlu ac mae'r enillwyr a'r rhai sy'n ail fel a ganlyn:

Sicrhau newid cadarnhaol: Awr Dawel The Edge (enillydd), Craig Thompson a Samantha Barton (ail).

Gwobr Celfyddydau: Lleucu-Haf Thomas (enillydd), Theatr Ieuenctid FADDS a Tomos Roberts (ail).

Gwobr Pencampwr Eco: Senedd Gwyrdd yn Ysgol Penrhyn Dewi (enillydd).

Gwobr Addysg: Megan Thomas (enillydd), Carla Briskham (ail).

Gwobr Codi Arian: Ellie Neville (enillydd), George Bromwich a Molly Venables (ail).

Gwneud gwahaniaeth yn y gymuned: Eirlys Lloyd-Phillips (enillydd), Teulu Ysgolion Penfro - Prosiect Gweithredu Cymdeithasol, Rydym yn Gwybod... Ein Grŵp Taith, Grŵp Clwb Ieuenctid Neyland (ail).

Stori fwyaf ysbrydoledig: Aaron Briskham (enillydd), Aimee Hawkings a Molly Evans (ail).

Gwobr Cerddoriaeth: Carys Wood ac Alice Thomas (enillwyr), Amy Evans ac Iestyn Barrellie (ail).

Gwobr Chwaraeon: Harley a Liam Franz (enillwyr), Caiden Meacham ac Ava Tyrie (ail).

Gwobr Llais: Tegan Skyrme (enillydd), Niamh Jones, Mya-Rose John (ail).

Gwobr Arweinydd Ifanc / Mentora Cyfoedion: Daniella Loveridge / Chloe Harries (enillwyr), Tomos Padel, Brogan Collins a The Point (ail).

Gwobr olaf y noson oedd 'Gwobr Sbotolau' arbennig, a roddwyd i unigolyn ifanc am gyfraniad neu gyflawniad arbennig o bwysig. Ar gyfer 2024 dyfarnwyd y wobr hon i Freya Terry. 

Dyma enwebiad ysbrydoledig Freya:

Mae Freya wedi cael trafferth gyda'i hiechyd meddwl ers iddi fod yn 11 oed. Mae hi wedi cael cefnogaeth wych gan Brosiect Amethyst ac yna'n fwy diweddar gwasanaethau iechyd meddwl i oedolion. Mae hi wedi dod allan o hynny'n gryfach ac wedi penderfynu mynd ar fordaith ar ei phen ei hun o amgylch y DU ac Iwerddon i godi ymwybyddiaeth o iechyd meddwl ymhlith pobl ifanc - gan geisio ysbrydoli pobl i siarad am eu hiechyd meddwl fel y gallant gael rhywfaint o gefnogaeth, yn hytrach na chadw’r cyfan i mewn oherwydd ofn a chywilydd.

Mae hi wedi cynnal sgyrsiau gyda grwpiau ieuenctid lleol Sir Benfro, yn ogystal â siarad ag eraill wrth iddi wneud ei ffordd o gwmpas y wlad, ac wedi cael derbyniad da iawn. Mae hi wedi magu cymaint o hyder o'r fenter hon ac wedi denu llawer o ddilynwyr. (www.she-sails.co.uk)

Fe wnaeth problemau gyda’i chwch ei gadael ar goll ar y môr am oriau lawer ac yna cafodd ei thaflu dros fwrdd y cwch gan don enfawr a achosodd gyfergyd a gorfod ffonio gwylwyr y glannau. Ond ni wnaeth hyn ei rhwystro, cyn gynted ag yr oedd wedi gwella, i ffwrdd â hi unwaith eto ac mae'n gwneud cynnydd gwych.

Cyflwynodd y Cyfarwyddwr Addysg Steven Richards-Downes y brif Wobr Sbotolau a dywedodd: "Mae pawb sydd wedi'u henwebu yn y Gwobrau Sbotolau hyn yn ysbrydoliaeth go iawn i'w cyfoedion a'r gymuned ehangach. Roedd yn anrhydedd cyflwyno'r brif wobr i Freya, mae ei stori yn dangos gwytnwch ac ymrwymiad gwirioneddol i roi rhywbeth yn ôl i gymdeithas wrth oresgyn ei brwydrau ei hun."

Dywedodd y Cynghorydd Steve Alderman, Cadeirydd Cyngor Sir Penfro: "Mae'n wych gweld ein pobl ifanc yn cael eu dathlu am y pethau rhagorol y maen nhw wedi'u cyflawni a'r gwahaniaeth y maen nhw yn ei wneud yn eu cymunedau." 

Ychwanegodd y Cynghorydd Tessa Hodgson, yr Aelod Cabinet dros Ofal Cymdeithasol a Diogelu: "Dydy pobl ifanc ddim bob amser yn cael y clod y maen nhw’n ei haeddu ac mae'n wych bod y digwyddiad hwn yn ymroddedig i ddathlu'r pethau gwych y gallant eu cyflawni."

Ar ôl y seremoni wobrwyo cafwyd lluniaeth ac adloniant gan gynnwys cwrs bownsio, sgiliau syrcas, llunflwch yn ogystal â chandi-fflos a popgorn yng nghyntedd y coleg.

Diolch yn arbennig hefyd i'r rhai a ddaeth i’r digwyddiad i gyflwyno'r gwobrau i'r bobl ifanc yn ogystal â'r rhai a gymerodd yr amser i enwebu person ifanc neu grŵp.

Diolch o galon hefyd i Dylan Harwood a berfformiodd un o'i ganeuon gwreiddiol; Charlie Royal, Polly Thomas, Josh Roberts a gweddill y tîm yng Ngholeg Sir Benfro am gynnal y digwyddiad; Nadine Farmer, Bethany Roberts, Nicky Edwards ac Angie Moore am eu cymorth i drefnu'r digwyddiad ac i'r bobl ifanc o Fanc Ieuenctid Sir Benfro am eu gwaith caled.

Mae mwy o luniau ar gael ar dudalen Facebook y Swyddfa Hawliau Plant a Phobl Ifanc.